Sveinn Dúa fagnar sönglagaplötu 2. nóvember 2011 09:30 Sveinn Dúa Hjörleifsson söng með Sinfóníuhljómsveit Íslands á opnunarhátíð Hörpu. Hann sendi nýverið frá sér fyrstu einsöngsplötu sína og fagnar útgáfunni í Salnum á sunnudagskvöld.Fréttablaðið/Vilhelm „Tónleikarnir verða góðir, platan verður flutt eins og hún kemur fyrir. Og svo verður auðvitað Sigríður Thorlacius með okkur, en það er einn dúett á plötunni með okkur. Ég er mjög ánægður með útkomuna og viðtökurnar,“ segir tenórinn Sveinn Dúa Hjörleifsson sem fagnar útkomu fyrstu einsöngsplötu sinnar með útgáfutónleikum í Salnum í Kópavogi á sunnudagskvöld klukkan 20. Platan kallast Værð og inniheldur íslensk sönglög í útsetningu Hjartar Ingva Jóhannssonar píanóleikara. „Þegar við Hjörtur byrjuðum að ræða efni plötunnar var ljóst að nokkur lög voru okkur sérlega hugleikin og pössuðu vel á plötu sem þessa, nokkur þeirra eru í Fjárlögunum en ekki öll. Við ákváðum því að hafa þau sem eins konar þráð á plötunni. Lögin í gömlu Fjárlögunum eiga fullt erindi til fólks og Hjörtur gerði þau sem við notumst við fersk með sínum útsetningum.“ Sveinn lauk nýverið námi frá Tónlistarháskóla Vínarborgar og hefur haft í nógu að snúast síðan. Hann hlaut á dögunum viðurkenningu úr Styrktarsjóði Önnu K. Nordal sem ætlað er að styðja við unga og efnilega söngvara og fiðluleikara. Hann segir viðurkenninguna mikla. „Ég er nýbúinn með námið og er núna byrjaður að vinna við þetta.“ Sveinn hefur þegar komið víða fram þrátt fyrir ungan aldur og söng meðal annars með Sinfóníuhljómsveit Íslands á opnunarhátíð Hörpu, en segir þó stóru tækifærin liggja utan landsteinanna. „Í sumar var ég í Vín og tók þátt í frumflutningi á nútímaóperum, þetta var svona kammeróperuveisla – þar söng ég þrjú hlutverk. Á síðasta ári söng ég í Bergen og var á tónleikaferðalagi í Kóreu. Síðan er ég að fara til Linz í Austurríki þar sem ég syng Fernando í Cosi fan tutte fram á næsta sumar. Þetta gengur glimrandi vel.“- bb Menning Mest lesið Sjóðheitar og einhleypar inn í haustið Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Borðar það sem alltaf hefur verið til og léttist og léttist Lífið Ísland með auga fuglsins Lífið Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið „Það er alveg hægt að vinna rifrildið, en þá tapar sambandið“ Makamál Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
„Tónleikarnir verða góðir, platan verður flutt eins og hún kemur fyrir. Og svo verður auðvitað Sigríður Thorlacius með okkur, en það er einn dúett á plötunni með okkur. Ég er mjög ánægður með útkomuna og viðtökurnar,“ segir tenórinn Sveinn Dúa Hjörleifsson sem fagnar útkomu fyrstu einsöngsplötu sinnar með útgáfutónleikum í Salnum í Kópavogi á sunnudagskvöld klukkan 20. Platan kallast Værð og inniheldur íslensk sönglög í útsetningu Hjartar Ingva Jóhannssonar píanóleikara. „Þegar við Hjörtur byrjuðum að ræða efni plötunnar var ljóst að nokkur lög voru okkur sérlega hugleikin og pössuðu vel á plötu sem þessa, nokkur þeirra eru í Fjárlögunum en ekki öll. Við ákváðum því að hafa þau sem eins konar þráð á plötunni. Lögin í gömlu Fjárlögunum eiga fullt erindi til fólks og Hjörtur gerði þau sem við notumst við fersk með sínum útsetningum.“ Sveinn lauk nýverið námi frá Tónlistarháskóla Vínarborgar og hefur haft í nógu að snúast síðan. Hann hlaut á dögunum viðurkenningu úr Styrktarsjóði Önnu K. Nordal sem ætlað er að styðja við unga og efnilega söngvara og fiðluleikara. Hann segir viðurkenninguna mikla. „Ég er nýbúinn með námið og er núna byrjaður að vinna við þetta.“ Sveinn hefur þegar komið víða fram þrátt fyrir ungan aldur og söng meðal annars með Sinfóníuhljómsveit Íslands á opnunarhátíð Hörpu, en segir þó stóru tækifærin liggja utan landsteinanna. „Í sumar var ég í Vín og tók þátt í frumflutningi á nútímaóperum, þetta var svona kammeróperuveisla – þar söng ég þrjú hlutverk. Á síðasta ári söng ég í Bergen og var á tónleikaferðalagi í Kóreu. Síðan er ég að fara til Linz í Austurríki þar sem ég syng Fernando í Cosi fan tutte fram á næsta sumar. Þetta gengur glimrandi vel.“- bb
Menning Mest lesið Sjóðheitar og einhleypar inn í haustið Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Borðar það sem alltaf hefur verið til og léttist og léttist Lífið Ísland með auga fuglsins Lífið Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið „Það er alveg hægt að vinna rifrildið, en þá tapar sambandið“ Makamál Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira