Innherji
Mest lesið
Varaseðlabankastjóri varar við hættu á „skarpri aðlögun“ í byggingargeiranum
Varaseðlabankastjóri fjármálastöðugleika, eini nefndarmaður peningastefnunefndar Seðlabankans sem vildi halda vöxtum óbreyttum við síðustu ákvörðun, varar við því að háir vextir og miklar birgðir af óseldum íbúðum muni auka hættuna á „skarpri aðlögun“ í byggingargeiranum. Hann bendir á að „raunveruleg fjármögnunarskilyrði“ heimila hafi versnað umfram stýrivaxtahækkanir samhliða mikilli hækkun verðtryggðra markaðavexta frá því í vor.
Fréttir í tímaröð
Tekjurnar nálægt hálfum milljarði á fyrsta heila starfsári ARMA Advisory
Tekjur ARMA Advisory námu tæplega hálfum milljarði króna á fyrsta heila starfsári ráðgjafafyrirtækisins samhliða aðkomu að mörgum af stærri fyrirtækjaviðskiptum og fjármögnunum á liðnu ári. Hagnaður félagsins, sem Marinó Örn Tryggvason og Atli Rafn Björnsson leiða, var nærri 300 milljónir króna.
Gæti gefið eftir með haustinu en munum eflaust áfram búa við sterka krónu
Góð staða helstu útflutningsgreina, sem birtist meðal annars í hækkandi afurðaverði í sjávarútvegi og „mjög sterku“ ferðamannasumri, samhliða háu vaxtastigi hefur ýtt undir gengishækkun krónunnar og er raungengið núna í hæstu hæðum. Sérfræðingur á gjaldeyrismarkaði segir að á meðan sú staða helst óbreyttu sé fátt sem bendi til þess að gengið muni hreyfast mikið og því áfram útlit fyrir sterka krónu.
ESB-kosning á radar erlendra fjárfesta í íslenskum verðbréfum
Erlendir sjóðstjórar sem hafa fjárfest í íslenskum verðbréfum undanfarin ár eru farnir að velta fyrir sér mögulegum áhrifum þess á markaði og efnahag ef Íslendingar samþykkja að hefja á ný aðildarviðræður við Evrópusambandið. Franskur stórbanki nefnir að með aðild skapist hætta á að auðug fiskimið Íslands opnist gagnvart erlendum útgerðum, á meðan einn stærsti erlendi fjárfestirinn á skuldabréfamarkaði telur að verði já-ið ofan á þá gæti það ýtt undir áhuga á íslenskum ríkisbréfum.
Samstarf við Bloomberg til að auka sýnileika íslenska markaðarins
Íslenska greiningarfyrirtækið Jakobsson Capital hefur gert samstarfssamning við Bloomberg, fjármála- og gagnaveitu, meðal annars í því skyni að reyna auka sýnileika íslenska markaðarins.
Þrátt fyrir mikla hækkun er raungengið talið aðeins „örlítið“ yfirverðlagt
Á meðan sum útflutningsfyrirtæki eru í auknum mæli farin að kvarta undan skertri samkeppnishæfni vegna sögulega hás raungengis krónunnar þá sýnir nýlegt mat bæði Alþjóðagjaldeyrissjóðsins og Seðlabanka Íslands að það er ekki mjög yfirverðlagt með hliðsjón af því sem samrýmist þjóðhagslegu jafnvægi. Sjóðurinn hefur ekki áhyggjur af sjálfbærni erlendrar stöðu þjóðarbúsins, þótt hún hafi veikst eilítið síðustu ár, en varar við því að hækki launakostnaður áfram umfram framleiðniaukningu muni það grafa undan stöðu útflutningsgreina.
Myntbreyta
Mynt
Miðgengi
Upphæð
ISK1
GBP0
SEK0
USD0
EUR0
NOK0
DKK0
JPY0
Spá verðmætari bylgju nýrra lyfja á markað hjá Alvotech
Alvotech er að nálgast „mikilvægan vendipunkt“ eftir margra ára uppbyggingu þar sem áhersla fjárfesta færist frá eftirlitsáhættu tengdri FDA yfir í markaðssetningu nýrra lyfja og tekjuvöxt, að sögn greinenda Bank of America, sem mæla með kaupum í frumskýrslu sinni um félagið. Hlutabréfaverð Alvotech rauk upp í dag en greinendur bandaríska bankans telja að næsta bylgja nýrra hliðstæðulyfja frá félaginu geti reynst verðmætari en þau sem hafa áður komið á markað.
Reksturinn batnar en hátt eldsneytisverð setur Icelandair þröngar skorður
Skýr merki eru um að undirliggjandi rekstur Icelandair sé að styrkjast, meðal annars vegna hærri fargjalda, betri sætanýtingar og umfangsmikilla hagræðingaraðgerða, að mati hlutabréfagreinanda, sem verðmetur félagið talsvert yfir markaðsgengi. Hátt eldsneytisverð, sterkt gengi krónunnar og kjaradeilur við flugstéttir setja rekstrinum hins vegar áfram þröngar skorður.
Stöðugleiki í vaxtaþróun langra ríkisbréfa merki um „seiglu“ íslenska markaðarins
Á meðan ávöxtunarkrafa langra ríkisskuldabréfa hefur rokið upp beggja vegna Atlantshafsins að undanförnu hafa langtímavextir hér á landi haldist tiltölulega stöðugir þrátt fyrir mikla endurfjármögnunarþörf ríkissjóðs. Seðlabankastjóri segir þróunina benda til góðs innra jafnvægis, en hækkun langra vaxta erlendis geti endurspeglað efasemdir um bæði peningastefnu og sjálfbærni ríkisfjármála hjá sumum ríkjum.
Telja vandræði keppinautar styrkja stöðu Alvotech á markaði með Simponi
Stjórnendur Alvotech telja félagið vel í stakk búið til að nýta sér þá stöðu sem komin er upp á markaði fyrir hliðstæður við gigtarlyfið Simponi í kjölfar vandræða kínverska keppinautarins Bio-Thera. Markaðshlutdeild hliðstæðulyfs Alvotech við Simponi er þegar komin yfir 15 prósent í Evrópu og félagið hefur byggt upp nægar birgðir til að mæta aukinni eftirspurn út árið og inn í 2027.
Viðsnúningur í rekstri og kostnaðarlækkun „lífsnauðsynleg“ fyrir Icelandair
Lægra eldsneytisverð og sterkari sjóðstaða hjá Icelandair þýðir að horfur eru betri en áður, samkvæmt nýrri greiningu, en verðmatsgengi félagsins hefur verið hækkað og er eftir sem áður langt yfir verðlagningu á markaði. Rekstur Icelandair verður samt áfram erfiður samtímis mikilli fjárfestingarþörf en viðsnúningur og kostnaðarlækkun er sögð vera „lífsnauðsynleg“ fyrir flugfélagið.
Olíusjóðurinn bætir enn við sig í íslenskum verðbréfaeignum
Olíusjóður Noregs, stærsti fjárfestingarsjóður í ríkiseigu á heimsvísu, hélt áfram að stækka við sig í íslenskum verðbréfum á fyrstu mánuðum ársins en heildareignir sjóðsins hér á landi hafa meira en sjöfaldast á innan við áratug.
Taka þarf á víðtækri verðtryggingu sem veldur innbyggðri tregðu í verðbólgunni
Það er „staðreynd“ að gjaldskrárhækkanir hins opinbera hafa átt þátt í að halda uppi þrálátri verðbólgu að undanförnu, fullyrðir seðlabankastjóri, sem hann segir sumpart birtingarmynd hinnar víðtæku verðtryggingu og til að leysa úr þeir þeim „stóra kerfislæga vanda“ dugar ekki til plástur eða bútasaumur. Við ákvörðun um hækkun vaxta var ekki horft mikið til stöðunnar í byggingarmarkaði, enda þótt Seðlabankinn viðurkenni að versnandi staða á þeim markaði sé sennilega stærsti óvissuþátturinn í hagkerfinu.
Þriðja vaxtahækkunin í röð en sjá fram á hratt hjaðnandi verðbólgu á næsta ári
Peningastefnunefnd Seðlabankans hefur í takt við væntingar hækkað meginvexti bankans um 25 punkta, sem er núna komnir á sama stað og snemma árs í fyrra, enda þótt einn nefndarmaður hefði kosið óbreytta vexti. Yfirlýsing bankans ber með sér mildari tón en áður og bent er á að undirliggjandi verðbólga sé tekin að hjaðna á suma mælikvarða.
Sér fram á að hröð skuldalækkun geti tvöfaldað virði Alvotech
Bandaríski fjárfestingabankinn Evercore telur Alvotech talsvert undirverðlagt á markaði og að hlutabréfaverðið geti hækkað skarpt með auknum rekstrarhagnaði og minnkandi skuldsetningu. Samkvæmt nýrri greiningu, sem er sögð byggja á varfærnum forsendum, þá er samt gert ráð fyrir að markaðssetning sumra mikilvægustu hliðstæðna Alvotech muni tefjast vegna deilna um einkaleyfi og að hámarkstekjur verði verulega undir þeim áætlunum sem stjórnendur hafa áður rætt um.
Sjóðurinn Horn V eignast um þriðjungshlut eftir fjárfestingu í Lyfjaveri
Meira en einu ári eftir að Horn V hóf starfsemi hefur framtakssjóðurinn klárað sína fyrstu fjárfestingu en hann hefur lagt Lyfjaveri til nýtt hlutafé og mun í framhaldinu eignast yfir þriðjungshlut í félaginu.
Vogunarsjóðsrisar bættu talsvert við stöðuna í kringum gengisfall Oculis
Tveir af stærstu vogunarsjóðum heimsins, sem byrjuðu að kaupa í Oculis undir lok síðasta árs, juku umtalsvert við stöðu sína á öðrum fjórðungi þegar hlutabréfaverð líftæknifélagsins féll eins og steinn eftir að eitt af þróunarlyfjum þess tókst ekki að ná aðalmarkmiðum sínum úr tveimur rannsóknum. Sumir erlendir fjárfestingarsjóðir hafa hins vegar í kjölfarið selt sig nánast alfarið út úr hluthafahópnum.
Bandarískur sjóður byggt upp um fimm prósenta stöðu í kjölfar útboðs Alvotech
Bandarískur sjóður, sem hefur einkum lagt áherslu á fjárfestingar í heilbrigðistengdum fyrirtækjum, hefur byggt upp stóra stöðu í Alvotech í kjölfar útboðs líftæknilyfjafélagsins og er núna þriðji stærsti hluthafinn með nærri fimm prósenta hlut. Tveir þekktustu vogunarsjóðsrisar í heimi voru jafnframt meðal fjárfesta sem keyptu drjúgan hluta þeirra bréfa sem Alvotech seldi í hlutafjáraukningu félagsins í byrjun sumars.
Ekki hægt að gefa „neinn afslátt af raunvaxtastiginu“ við þessar aðstæður
Við núverandi aðstæður getur peningastefnunefnd Seðlabankans ekki „gefið neinn afslátt“ af raunvaxtastiginu ef það á að takast á ná verðbólgunni niður í markmið, að mati sérfræðinga Acro verðbréfa. Þeir telja að nefndin sé því „nauðbeygð“ til að hækka vextina á næsta fundi og vara við því að verðbólgan geti farið upp í sex prósent síðar á árinu.
Selt megnið af bréfum sínum í Stoðum á síðustu mánuðum
Fjárfestingafélag Þorvalds Gissurarsonar, einn umsvifamesti byggingarverktaki landsins, hefur á fáeinum mánuðum selt mikinn meirihluta allra bréfa sinna í Stoðum. Viðskipti með hlutabréf Stoða, sem hafa sett stefnuna á skráningu í Kauphöll, hafa aukist nokkuð að undanförnu en tveir fjárfestar hafa þar einkum verið á söluhliðinni.
Rekstrarhagnaðurinn fjórfaldaðist vegna hás afurðaverðs á botnfiski
Tekjur og afkoma útgerðarfélagsins Gjögurs á Grenivík ruku upp á liðni ári samtímis því að verð á sumum botnfiskafurðum hækkaði skarpt og rekstrarhagnaðurinn fjórfaldaðist því milli ára. Systurfélagið Kjálkanes, sem er meðal annars stór hluthafi í nokkrum skráðum félögum, á einnig gott ár að baki og skilaði vel yfir tveggja milljarða hagnaði.
Ísland í þeirri sjaldgæfu stöðu að geta í raun ákveðið hvaða hagvöxt við viljum
Forstjóri eins stærsta fjárfestingafélags landsins brýnir stjórnvöld til að taka forystu í að breyta umræðu um efnahagsmál og rekstur fyrirtækja og segir tal um „ofsagróða“ á villigötum heldur hafi þvert móti arðsemi og samkeppnisstaða fyrirtækja „átt undir högg að sækja,“ einkum vegna aukinnar gjaldtöku hins opinbera, hárra launa og hás vaxtastigs. Hann segir að vegna tækifæranna sem felast í auðlindum landsins þá sé Ísland í þeirri sjaldgæfu stöðu meðal þjóða að geta í raun ákveðið hvaða hagvöxt við viljum hafa næstu árin.
Hallalaus fjárlög ekki í spákortum AGS fyrr en árið 2031
Alþjóðagjaldeyrissjóðurinn væntir þess að það takist ekki að skila afgangi á rekstri ríkissjóðs fyrr en á árinu 2031, samkvæmt spá sjóðsins, en núgildandi fjármálaáætlun stjórnvalda gerir hins vegar ráð fyrir hallalausum fjárlögum strax á næsta ári. Sjóðurinn horfir aðeins til aðgerða sem þegar er búið að leggja fram fyrir Alþingi og segir markmið stjórnvalda í ríkisfjármálum vera „hæfilega metnaðarfull.“
Stækkaði stöðuna um fjórðung í kringum gengishrun bréfa Oculis
Eignastýringarisinn Aberdeen, einn stærsti hluthafi Oculis, stækkaði hlutabréfastöðu sína um fjórðung í sama ársfjórðungi og hlutabréfaverð líftæknifélagsins féll um sextíu prósent þegar eitt af þróunarlyfjum þess mistókst að ná aðalmarkmiðum sínum úr tveimur fasa 3 rannsóknum.