Heldri krataleiðtogi segir frá Jakob Bjarnar skrifar 23. desember 2013 08:02 Björgvin á miklu barnaláni að fagna. Hér er hann ásamt fjórum af sex sonum sínum í útgáfuteitinu. Björgvin Guðmundsson man tímana tvenna. Hann er nú 81 árs og ólst upp á kreppuárum þriðja áratugar síðustu aldar, þegar hrammur atvinnuleysis og fátæktar lá yfir íslensku þjóðlífi. Björgvin varð einn helsti leiðtogi Alþýðuflokksins í Reykjavík og tók þátt í að fella meirihluta Sjálfstæðisflokksins í höfuðborginni árið 1978, nokkuð sem virtist óhugsandi eftir áratuga valdaskeið flokksins í Reykjavík. Í ævisögunni „Efst á baugi“ lítur Björgvin yfir farinn veg. Björgvin var ekki bara stjórnmálamaður, hann starfaði um árabil í fjölmiðlum, einkum Alþýðublaðinu, að sjálfsögðu og varð seinna embættismaður í utanríkisráðuneytinu. „Mér er minnistæðast á mínum pólitíska ferli þegar meirihluti Sjálfstæðisflokksins í Reykjavík féll eftir hálfrar aldar valdatíð. Þetta kom íhaldinu alveg á óvart og raunar kom þetta okkur öllum á óvart. Sjálfstæðisflokkurinn hafði verið mikið hræddari um meirihlutann í kosningunum 1970. Þetta voru að sjálfsögðu mikil pólitísk tíðindi,sem höfðu áhrif á landsmálin einnig. Og í rauninni var þetta mikið meiri frétt en sigur R-listans seinna. Við ruddum brautina.“Þau felldu Sjálfstæðisflokkinn 1978. Björgvin og Sjöfn Sigurbjörnsdóttir skipuðu efstu sætin á lista Alþýðuflokksins, þegar vinstriflokkarnir unnu sögulegan sigur á Sjálfstæðisflokknum.Björgvin man tímana tvenna og þrenna: „Í upphafi bókarinnar rek ég ástandið eins og það var, þegar ég var að alast upp í byrjun heimhreppunnar,atvinnuleysið og fátæktina, sem ég bjó við. Ég varð jafnaðarmaður vegna þess misréttis og ójafnaðar,sem ríkti og ég vildi breyta ástandinu. Sem ungur alþýðupiltur var ég mikill hugsjónamaður og hafði brennandi trú á jafnaðarstefnunni. Að sjálfsögðu hefur jafnaðarstefnan breyst frá því hún kom fyrst fram. Leiðirnar að markinu hafa breytst en markmiðið er ávallt það sama: Frelsi,jafnrétti og bræðralag.“ Björgvin hefur verið mikill fjölskyldumaður. Eiginkona hans er Dagrún Þorvaldsdóttir en þau hafa verið gift í 60 ár, áttu demantsbrúðkaup fyrir nokkrum dögum. Þau eiga 6 syni. Björgvin segist glaður og hrærður yfir þeim móttökum sem bók hans hefur fengið: „Ég var að lesa upp í Sunnlenska bókakaffinu hjá Bjarna Harðarsyni á fimmtudaginn og þá sagði hann, að bók mín hefði fengið góðar viðtökur þar og selst vel. Í útgáfuteitinu, sem Sögur útgáfa, efndi til í bókaverslun Eymundsson á Skólavörðustíg, þegar bókin kom út, var húsfyllir og ég hafði vart undan að árita bækur sem seldust við það tækifæri. Ég las upp úr bókinni í útgáfuteitinu og hefi lesið upp úr henni á nokkrum öðrum stöðum síðan, svo sem hjá Félagi eldri borgara og á Jólagleði jafnaðarmanna og hefi fengið góðar undirtektir.“ Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið „Við munum ekki eldast saman“ Lífið Ísland með auga fuglsins Lífið Myndasyrpa úr Bakgarðshlaupinu Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Krakkatían: Dýrin, heimsálfur og teiknimyndir Lífið Aldrei litið betur út þrátt fyrir alvarlegt slys Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Björgvin Guðmundsson man tímana tvenna. Hann er nú 81 árs og ólst upp á kreppuárum þriðja áratugar síðustu aldar, þegar hrammur atvinnuleysis og fátæktar lá yfir íslensku þjóðlífi. Björgvin varð einn helsti leiðtogi Alþýðuflokksins í Reykjavík og tók þátt í að fella meirihluta Sjálfstæðisflokksins í höfuðborginni árið 1978, nokkuð sem virtist óhugsandi eftir áratuga valdaskeið flokksins í Reykjavík. Í ævisögunni „Efst á baugi“ lítur Björgvin yfir farinn veg. Björgvin var ekki bara stjórnmálamaður, hann starfaði um árabil í fjölmiðlum, einkum Alþýðublaðinu, að sjálfsögðu og varð seinna embættismaður í utanríkisráðuneytinu. „Mér er minnistæðast á mínum pólitíska ferli þegar meirihluti Sjálfstæðisflokksins í Reykjavík féll eftir hálfrar aldar valdatíð. Þetta kom íhaldinu alveg á óvart og raunar kom þetta okkur öllum á óvart. Sjálfstæðisflokkurinn hafði verið mikið hræddari um meirihlutann í kosningunum 1970. Þetta voru að sjálfsögðu mikil pólitísk tíðindi,sem höfðu áhrif á landsmálin einnig. Og í rauninni var þetta mikið meiri frétt en sigur R-listans seinna. Við ruddum brautina.“Þau felldu Sjálfstæðisflokkinn 1978. Björgvin og Sjöfn Sigurbjörnsdóttir skipuðu efstu sætin á lista Alþýðuflokksins, þegar vinstriflokkarnir unnu sögulegan sigur á Sjálfstæðisflokknum.Björgvin man tímana tvenna og þrenna: „Í upphafi bókarinnar rek ég ástandið eins og það var, þegar ég var að alast upp í byrjun heimhreppunnar,atvinnuleysið og fátæktina, sem ég bjó við. Ég varð jafnaðarmaður vegna þess misréttis og ójafnaðar,sem ríkti og ég vildi breyta ástandinu. Sem ungur alþýðupiltur var ég mikill hugsjónamaður og hafði brennandi trú á jafnaðarstefnunni. Að sjálfsögðu hefur jafnaðarstefnan breyst frá því hún kom fyrst fram. Leiðirnar að markinu hafa breytst en markmiðið er ávallt það sama: Frelsi,jafnrétti og bræðralag.“ Björgvin hefur verið mikill fjölskyldumaður. Eiginkona hans er Dagrún Þorvaldsdóttir en þau hafa verið gift í 60 ár, áttu demantsbrúðkaup fyrir nokkrum dögum. Þau eiga 6 syni. Björgvin segist glaður og hrærður yfir þeim móttökum sem bók hans hefur fengið: „Ég var að lesa upp í Sunnlenska bókakaffinu hjá Bjarna Harðarsyni á fimmtudaginn og þá sagði hann, að bók mín hefði fengið góðar viðtökur þar og selst vel. Í útgáfuteitinu, sem Sögur útgáfa, efndi til í bókaverslun Eymundsson á Skólavörðustíg, þegar bókin kom út, var húsfyllir og ég hafði vart undan að árita bækur sem seldust við það tækifæri. Ég las upp úr bókinni í útgáfuteitinu og hefi lesið upp úr henni á nokkrum öðrum stöðum síðan, svo sem hjá Félagi eldri borgara og á Jólagleði jafnaðarmanna og hefi fengið góðar undirtektir.“
Menning Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið „Við munum ekki eldast saman“ Lífið Ísland með auga fuglsins Lífið Myndasyrpa úr Bakgarðshlaupinu Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Krakkatían: Dýrin, heimsálfur og teiknimyndir Lífið Aldrei litið betur út þrátt fyrir alvarlegt slys Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira