Hrunið heldur áfram í Dubai, nær 20% tapast á 2 dögum

Vísitalan hefur fallið um 9% í morgun til viðbótar við hrunið í gær og svo virðist sem yfirlýsingar forráðamanna sjóðsins Dubai World og ráðamanna í Dubai í gær hafi ekki virkað til að róa markaðinn.

Í frétt um málið á börsen.dk segir að hrunið haldi áfram þrátt fyrir að hinir ríku frændur Dubai í Abu Dhabi hafi lýst því yfir að þeir væru tilbúnir til að bjarga nágranna sínum, þá sennilega með það að markmiði að yfirtaka stöðu Dubai sem fjármálamiðstöð svæðisins.