Nike ætlar að gera risasamning við McIlroy

Norður-Írinn Rory McIlroy er heitasti kylfingur heims um þessar mundir. Hann er þess utan ekki nema 23 ára gamall og verður því líklega lengi á toppnum.

Íþróttavöruframleiðandinn Nike trúir því og hermt er að Nike muni gera risasamning við McIlroy á næsta ári.

Þá rennur samningur McIlroy við Titleist/Footjoy út. Samkvæmt heimildarmönnum mun McIlroy fá 250 milljónir dollara fyrir 10 ára samning.

Hann kæmist því á nánast sama samning og Tiger Woods er með við Nike.