Samsung stríðir aðdáendum

Það er óhætt að segja að mikil spenna sé fyrir nýjustu útgáfunni af Samsung Galaxy S4 símanum sem verður kynntur til leiks 14. mars næstkomandi.

Í gærkvöld setti tæknirisinn mynd af símanum á Twitter-síðu sína en þeir pössuðu sig að sjálfsögðu á því að gefa ekki of mikið upp. Myndin segir nánast ekki neitt um útlit símans.

En myndin er nóg til þess að aðdáendur snjallsímans geta vart haldið vatni yfir kynningunni, sem fer fram á fimmtudaginn.