Skoda hefur framleitt 15 milljón bíla eftir yfirtöku Volkswagen Finnur Thorlacius skrifar 7. september 2017 10:15 Frá einni af fimmtán verksmiðjum Skoda þar sem framleiddur er vinsælasti bíll Skoda, þ.e. Octavia. Frá því að Volkswagen keypti tékkneska bílaframleiðandann Skoda árið 1991 hafa nú verið framleiddir 15 milljón bílar í verksmiðjum Skoda. Árið 1991 var framleiðsla Skoda aðeins 172.074 bílar, en í fyrra framleiddi Skoda 1,1 milljón bíla og hefur því framleiðslan meira en sexfaldast á þessum tíma. Sá bíll sem framleitt hefur verið langmest af er Skoda Octavia, eða 5,6 milljón bílar. Þar á eftir kemur Fabia með 4 milljónir bíla, Felicia með 1,4 milljón og flaggskipið Superb með 1,02 milljón bíla. Árið 1991 voru aðeins framleiddar bílgerðirnar Favorit og Forman. Nú samanstendur framleiðsla Skoda hinsvegar af bílunum Octavia, Superb, Fabia, Rapid, Citigo, Kodiaq og Karoq. Úr 3 verksmiðjum í 15 Verksmiðjum Skoda hefur í leiðinni heldur betur fjölgað, eða frá aðeins 3 verksmiðjum árið 1991 í 15 verksmiðjur nú. Hjá Skoda stendur enn til að fjölga bílgerðum og verða 5 gerðir rafmagnsbíla orðnir hluti af framleiðslu Skoda um miðjan næsta áratug. Í millitíðinni verða nokkrar gerðir Plug-In-Hybrid útfærslur kunnra bíla Skoda kynntir, þar á meðal Superb og Kodiaq. Það var ekki fyrr en árið 1996 sem Octavia kom til sögunnar hjá Skoda og var hann byggður á sama undirvagni og var undir fjórðu kynslóð Volkswagen Golf. Allar götur frá því hafa bílar Skoda verið byggðir á þekkingu frá móðurfyrirtækinu Volkswagen og margt sameiginlegt verið í bílum Skoda og Volkswagen. Ef öllum bílum Skoda, sem framleiddir hafa verið frá yfirtöku Volkswagen, yrði lagt í beinni röð myndi hún ná 66,2 kílómetrum. Skoda selur nú bíla í yfir 100 löndum heimsins og gengi fyrirtækisins hefur verið með allra besta móti á undanförnum árum og framleiðslan aukist á hverju ári. Mest lesið Kona réðst að sjö ára dreng við Smáraskóla Innlent Eiginmaður íslenskrar konu lét sig hverfa rétt eftir brúðkaupið Innlent Hafa „góða hugmynd“ hvar og hvenær stúlkunni var ráðinn bani Innlent „Það er ódýrast og best og fljótlegast að kála þessum dýrum“ Innlent Sýndi lögreglu löngutöng og var ekinn út af Innlent „Ég hefði bara sagt af mér á staðnum“ Innlent Skerjafjarðarskáldið krefst afsökunarbeiðni – annars fer það í mál Innlent Fundu lík karlmanns í Reynisfjalli Innlent Fjórir í bílnum en enginn við stýrið Innlent Fjölskylda flugmanns Icelandair vill að lögregla rannsaki andlát hans Innlent
Frá því að Volkswagen keypti tékkneska bílaframleiðandann Skoda árið 1991 hafa nú verið framleiddir 15 milljón bílar í verksmiðjum Skoda. Árið 1991 var framleiðsla Skoda aðeins 172.074 bílar, en í fyrra framleiddi Skoda 1,1 milljón bíla og hefur því framleiðslan meira en sexfaldast á þessum tíma. Sá bíll sem framleitt hefur verið langmest af er Skoda Octavia, eða 5,6 milljón bílar. Þar á eftir kemur Fabia með 4 milljónir bíla, Felicia með 1,4 milljón og flaggskipið Superb með 1,02 milljón bíla. Árið 1991 voru aðeins framleiddar bílgerðirnar Favorit og Forman. Nú samanstendur framleiðsla Skoda hinsvegar af bílunum Octavia, Superb, Fabia, Rapid, Citigo, Kodiaq og Karoq. Úr 3 verksmiðjum í 15 Verksmiðjum Skoda hefur í leiðinni heldur betur fjölgað, eða frá aðeins 3 verksmiðjum árið 1991 í 15 verksmiðjur nú. Hjá Skoda stendur enn til að fjölga bílgerðum og verða 5 gerðir rafmagnsbíla orðnir hluti af framleiðslu Skoda um miðjan næsta áratug. Í millitíðinni verða nokkrar gerðir Plug-In-Hybrid útfærslur kunnra bíla Skoda kynntir, þar á meðal Superb og Kodiaq. Það var ekki fyrr en árið 1996 sem Octavia kom til sögunnar hjá Skoda og var hann byggður á sama undirvagni og var undir fjórðu kynslóð Volkswagen Golf. Allar götur frá því hafa bílar Skoda verið byggðir á þekkingu frá móðurfyrirtækinu Volkswagen og margt sameiginlegt verið í bílum Skoda og Volkswagen. Ef öllum bílum Skoda, sem framleiddir hafa verið frá yfirtöku Volkswagen, yrði lagt í beinni röð myndi hún ná 66,2 kílómetrum. Skoda selur nú bíla í yfir 100 löndum heimsins og gengi fyrirtækisins hefur verið með allra besta móti á undanförnum árum og framleiðslan aukist á hverju ári.
Mest lesið Kona réðst að sjö ára dreng við Smáraskóla Innlent Eiginmaður íslenskrar konu lét sig hverfa rétt eftir brúðkaupið Innlent Hafa „góða hugmynd“ hvar og hvenær stúlkunni var ráðinn bani Innlent „Það er ódýrast og best og fljótlegast að kála þessum dýrum“ Innlent Sýndi lögreglu löngutöng og var ekinn út af Innlent „Ég hefði bara sagt af mér á staðnum“ Innlent Skerjafjarðarskáldið krefst afsökunarbeiðni – annars fer það í mál Innlent Fundu lík karlmanns í Reynisfjalli Innlent Fjórir í bílnum en enginn við stýrið Innlent Fjölskylda flugmanns Icelandair vill að lögregla rannsaki andlát hans Innlent