Orðin eru svo hljómfögur Gunnþóra Gunnarsdóttir skrifar 16. nóvember 2017 10:45 "Ég vona að fólk streymi til okkar og nái sér í andlega næringu,“ segir Hanna Rósa. Vísir/Anton Brink Við reynum að hafa hátíðina fjölbreytta. Fengum ungt listafólk og kór til liðs við okkur og svo verður Kristín S. Árnadóttir bókmenntafræðingur með hugleiðingar um Jónas, líf hans og störf,“ segir Hanna Rósa Sveinsdóttir sagnfræðingur um afmælisdagskrá sem haldin verður í Hofi á Akureyri á laugardaginn, 18. nóvember, til heiðurs Jónasi Hallgrímssyni. Hún kveðst hafa grun um að Kristín bókmenntafræðingur muni ræða eitthvað um nýyrðasmíð Jónasar sem hafi verið stórmerkileg. „Þar kemur skáldið í honum fram, því orðin eru svo hljómfögur,“ bendir hún á.Hanna Rósa segir mikið af frumsömdu efni á dagskránni. „Ég hlakka til að heyra í rapparanum, Viljari Níu, því ég veit að hann hefur verið að búa eitthvað til sérstaklega fyrir þetta tilefni. Svo er það hann Villi – Vilhjálmur Bragason, sem er annað af Vandræðaskáldunum. Hann ætlar að leika sér með orð, það er í anda Jónasar. Einnig verða lesin ljóð eftir verðlaunahafa í samkeppni í skapandi skrifum og norðlensku tónlistarkonurnar Þórhildur Örvarsdóttir, Helga Kvam og Lára Sóley Jóhannsdóttir syngja og leika nokkur lög við texta Jónasar. Hanna Rósa starfar í Minjasafninu á Akureyri og situr líka í stjórn Jónasarseturs að Hrauni í Öxnadal, sem stendur fyrir hátíðinni á laugardaginn ásamt Menningarfélagi Akureyrar. „Meginmarkmið Jónasarseturs er að reka Hraun, fæðingarstað Jónasar. Húsið og jörðin voru keypt 2003 og húsið þá tekið í gegn. Nú er búið að merkja nokkrar áhugaverðar gönguleiðir í umhverfi þess. Húsið er leigt út sem fræðimannsíbúð og einnig leigt BHM yfir sumartímann. Það er fjárhagsleg ráðstöfun því þegar hrunið varð hvarf bakhjarl verkefnisins sem var sparisjóðurinn,“ útskýrir Hanna Rósa. „En við höfum líka staðið fyrir viðburðum á hverju ári, Fífilbrekkuhátíð snemma sumars og upplestri, söng og ýmiss konar dagskrá sem er tileinkuð skáldinu.“ Afmæli Jónasar er vissulega í dag, þá verða Jónasarverðlaunin afhent í Menningarhúsinu Bergi á Dalvík. „Við vildum að sjálfsögðu ekki trufla þann viðburð og því færðum við okkar hátíðadagskrá yfir á laugardaginn,“ segir Hanna Rósa. „Við verðum í Hamraborg, aðalsal Hofs. Það kostar ekkert inn og ég vona að fólk hreinlega streymi til okkar og nái sér í andlega næringu.“ Mest lesið Aldrei litið betur út þrátt fyrir alvarlegt slys Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Hyggjast halda breytta Söngvakeppni á næsta ári Lífið Opna fyrstu umboðsstofuna í eigu leikara Menning Ein lausn er að liggja hlið við hlið og fróa sér Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Fimm ár af allskonar og hamingjan er enn hér“ Lífið Eignaðist alvöru pungsa með alvöru pungsa Lífið Einfalt og frísklegt útlit fyrir hlaupið Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Við reynum að hafa hátíðina fjölbreytta. Fengum ungt listafólk og kór til liðs við okkur og svo verður Kristín S. Árnadóttir bókmenntafræðingur með hugleiðingar um Jónas, líf hans og störf,“ segir Hanna Rósa Sveinsdóttir sagnfræðingur um afmælisdagskrá sem haldin verður í Hofi á Akureyri á laugardaginn, 18. nóvember, til heiðurs Jónasi Hallgrímssyni. Hún kveðst hafa grun um að Kristín bókmenntafræðingur muni ræða eitthvað um nýyrðasmíð Jónasar sem hafi verið stórmerkileg. „Þar kemur skáldið í honum fram, því orðin eru svo hljómfögur,“ bendir hún á.Hanna Rósa segir mikið af frumsömdu efni á dagskránni. „Ég hlakka til að heyra í rapparanum, Viljari Níu, því ég veit að hann hefur verið að búa eitthvað til sérstaklega fyrir þetta tilefni. Svo er það hann Villi – Vilhjálmur Bragason, sem er annað af Vandræðaskáldunum. Hann ætlar að leika sér með orð, það er í anda Jónasar. Einnig verða lesin ljóð eftir verðlaunahafa í samkeppni í skapandi skrifum og norðlensku tónlistarkonurnar Þórhildur Örvarsdóttir, Helga Kvam og Lára Sóley Jóhannsdóttir syngja og leika nokkur lög við texta Jónasar. Hanna Rósa starfar í Minjasafninu á Akureyri og situr líka í stjórn Jónasarseturs að Hrauni í Öxnadal, sem stendur fyrir hátíðinni á laugardaginn ásamt Menningarfélagi Akureyrar. „Meginmarkmið Jónasarseturs er að reka Hraun, fæðingarstað Jónasar. Húsið og jörðin voru keypt 2003 og húsið þá tekið í gegn. Nú er búið að merkja nokkrar áhugaverðar gönguleiðir í umhverfi þess. Húsið er leigt út sem fræðimannsíbúð og einnig leigt BHM yfir sumartímann. Það er fjárhagsleg ráðstöfun því þegar hrunið varð hvarf bakhjarl verkefnisins sem var sparisjóðurinn,“ útskýrir Hanna Rósa. „En við höfum líka staðið fyrir viðburðum á hverju ári, Fífilbrekkuhátíð snemma sumars og upplestri, söng og ýmiss konar dagskrá sem er tileinkuð skáldinu.“ Afmæli Jónasar er vissulega í dag, þá verða Jónasarverðlaunin afhent í Menningarhúsinu Bergi á Dalvík. „Við vildum að sjálfsögðu ekki trufla þann viðburð og því færðum við okkar hátíðadagskrá yfir á laugardaginn,“ segir Hanna Rósa. „Við verðum í Hamraborg, aðalsal Hofs. Það kostar ekkert inn og ég vona að fólk hreinlega streymi til okkar og nái sér í andlega næringu.“
Mest lesið Aldrei litið betur út þrátt fyrir alvarlegt slys Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Hyggjast halda breytta Söngvakeppni á næsta ári Lífið Opna fyrstu umboðsstofuna í eigu leikara Menning Ein lausn er að liggja hlið við hlið og fróa sér Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið „Fimm ár af allskonar og hamingjan er enn hér“ Lífið Eignaðist alvöru pungsa með alvöru pungsa Lífið Einfalt og frísklegt útlit fyrir hlaupið Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira