Handbolti

Flautað til leiks í Olís-deildinni í dag

Ingvi Þór Sæmundsson skrifar
Kári Kristján og félagar í ÍBV mæta Stjörnunni í upphafsleik Olís-deildar karla tímabilið 2019-20.
Kári Kristján og félagar í ÍBV mæta Stjörnunni í upphafsleik Olís-deildar karla tímabilið 2019-20. vísir/vilhelm
Keppni í Olís-deild karla tímabilið 2019-20 hefst í dag með tveimur leikjum.

Í upphafsleik deildarinnar klukkan 16:00 tekur ÍBV á móti Stjörnunni. Leikurinn verður sýndur beint á Stöð 2 Sport.

Klukkan 17:00 verður svo flautað til leiks hjá Aftureldingu og KA í Mosfellsbænum.

Tveir leikir eru á dagskrá annað kvöld og hefjast þeir báðir klukkan 19:30. Valur og Fram mætast á Hlíðarenda og nýliðar Fjölnis taka á móti ÍR.

Fyrstu umferðinni lýkur svo á miðvikudaginn með tveimur leikjum. Þeir hefjast báðir klukkan 19:30. Haukar fá nýliða HK í heimsókn og bikarmeistarar FH og Íslandsmeistarar Selfoss mætast í stórleik umferðarinnar í Kaplakrika. Leikurinn verður sýndur beint á Stöð 2 Sport.

FH og Selfoss mættust í Meistarakeppni HSÍ á miðvikudaginn þar sem FH-ingar unnu eftir framlengingu, 33-35.

Fyrsta umferð Olís-deildar karla verður svo gerð upp í Seinni bylgjunni á Stöð 2 Sport klukkan 21:15 á miðvikudaginn.

Allir leikirnir í 1. umferðinni verða í beinni textalýsingu á Vísi.

Olís-deild karla

Tengdar fréttir

Pétur Árni í HK

Pétur Árni Hauksson hefur gengið til liðs við HK og mun spila með liðinu í Olísdeild karla í vetur.

HK sendi Georgíumanninn heim

Georgíski landsliðsmaðurinn Giorgi Dikhaminjia mun ekki spila með HK í vetur en félagið er búið að senda hann til síns heima.

Kielce vill fá Hauk

Selfyssingurinn ungi er á óskalista Póllandsmeistara Kielce.

Selfoss missir annan lykilmann í krossbandsslit

Sverrir Pálsson verður ekki með Íslandsmeisturum Selfoss í Olís deild karla í vetur og er þetta mikið áfall fyrir meistarana sem hafa þegar misst þjálfara sinn og besta leikmann.

Mest lesið


Fleiri fréttir

Sjá meira


×

Mest lesið