Gunnar Steinn og félagar úr leik

Gunnar Steinn Jónsson skoraði þrjú mörk fyrir Nantes sem tapaði 33-24 fyrir löndum sínum í Montpellier í átta liða úrslitunum EHF-bikarsins í handbolta.

Spánverjinn Jorge Maqueda var markahæstur í liði Nantes með átta mörk, en landi hans Alberto Entrerrios skoraði sjö. Dragan Gajic skoraði tíu mörk fyrir Montpellier sem vann fyrri leikinn 26-25 á heimavelli Nantes og einvígið samtals 59-49.

Gunnar Steinn mun leika með Gummersbach á næsta tímabili, en hann hefur skrifað undir tveggja ára samning við þýska félagið.