Rut skoraði tvö í jafntefli í Frakklandi

Rut Jónsdóttir skoraði tvö mörk þegar Randers gerði jafntefli, 27-27, við franska liðið HBC Nimes í 16-liða úrslitum Áskorendabikar Evrópu í handknattleik, en fyrri leikur liðanna fór fram í Frakklandi í dag.

Staðan í hálfleik var 13-13 og viðureignin var jöfn og spennandi út allan leikinn. Lokatölur, eins og áður segir, 27-27.

Rut gerði tvö mörk, en þær Linn Gosse, Clara Danielsson og Johanna Westberg gerðu allar fimm mörk fyrir danska liðið. Chloe Bulleux gerði tíu mörk fyrir heimastúlkur.

Liðin mætast aftur eftir viku og þá i Danmörku. Það lið sem hefur betur í þeirri viðureign fer áfram í átta liða úrslit keppninnar.