Storebrand hefur innreið hér á landi Kristinn Ingi Jónsson skrifar 18. apríl 2018 08:00 Jan Erik Saugestad, forstjóri eignastýringarhluta Storebrand, segir margt líkt með Noregi og Íslandi. Erik Lindvall Stærsta sjóðastýringarfyrirtækið í Noregi, Storebrand, hefur ákveðið að halda innreið sína á íslenskan markað. Forstjórinn segist þess fullviss að áhersla fyrirtækisins á sjálfbærar og samfélagslega ábyrgar fjárfestingar muni vekja áhuga á meðal íslenskra stofnanafjárfesta. „Við höfum hugað að sjálfbærum fjárfestingum í yfir tuttugu ár og viljum glöð deila okkar reynslu og lausnum með íslenskum fjárfestum,“ segir Jan Erik Saugestad, forstjóri eignastýringarhluta fjármálafyrirtækisins Storebrand, í viðtali við Markaðinn. Norska félagið, sem er með yfir 70 milljarða evra, jafnvirði um 8.500 milljarða íslenskra króna, í stýringu, hefur þegar tilkynnt Fjármálaeftirlitinu um fyrirhugaða markaðssetningu sína á fjórum verðbréfasjóðum hér á landi. Saugestad segir að aflétting fjármagnshafta og nýlegt lagaákvæði sem skyldar íslenska lífeyrissjóði til þess að setja sér siðferðisleg viðmið í fjárfestingum hafi skapað Storebrand markaðstækifæri sem félagið vilji nýta sér. „Þetta er áhugavert tækifæri og við trúum því að við höfum upp á margt að bjóða.“Forsvarsmenn Storebrand munu sækja Ísland heim í lok mánaðarins og funda með fulltrúum stofnanafjárfesta, svo sem lífeyrissjóða, tryggingafélaga og verðbréfasjóða, en með í för verður einnig hópur norskra fjárfesta og viðskiptavina Storebrand sem mun heimsækja íslensk fyrirtæki og skoða hér fjárfestingartækifæri, að sögn Saugestads. Hann segir ýmislegt líkt með Noregi og Íslandi. „Við deilum að miklu leyti sömu menningu og auk þess glímum við, sem lítil lönd í heimshagkerfinu, við sumar af sömu áskorununum.“ Storebrand hafi áratugareynslu af því að starfa með norskum stofnanafjárfestum og geti miðlað henni til íslenskra fjárfesta. Þá hafi fyrirtækið auk þess skapað sér sérstöðu með áherslu sinni á sjálfbærar fjárfestingar. „Við trúum því, sem langtímafjárfestir, að sjálfbærni í fjárfestingum sé afar mikilvæg. Bæði er það klókt út frá áhættusjónarmiðum og auk þess er það hið eina rétta í stöðunni,“ nefnir hann. Segja má að á síðustu árum hafi orðið vitundarvakning á meðal fjárfesta um mikilvægi ábyrgra og sjálfbærra fjárfestinga. Sem dæmi hafa æ fleiri fjárfestar, þá ekki síst lífeyrissjóðir, sett sér stefnu sem tekur á svonefndum ESG-þáttum – en ESG stendur fyrir umhverfismál, samfélagsmál og stjórnarhætti (e. environmental, social og governance) – við fjárfestingar. Sjálfbærar fjárfestingar, þar sem tillit er tekið til ESG-þáttanna, hafa aukist verulega á undanförnum árum en til marks um það hefur aukning slíkra fjárfestinga í Evrópu verið tvöföld á við vöxt hefðbundinna fjárfestinga. Eignir í stýringu evrópskra sjóða sem taka mið af viðmiðum ESG hafa vaxið árlega um 29 prósent að meðaltali allt frá árinu 2007.Snerist um viðskiptasiðferði Þrátt fyrir að flestir stofnanafjárfestar hafi vaknað til vitundar um sjálfbærar fjárfestingar á allra síðustu árum hafa slíkar fjárfestingar verið eitt aðalsmerki Storebrand í yfir tuttugu ár. „Við fórum að huga að þessum þáttum um miðjan tíunda áratug síðustu aldar, þegar langflestir fjárfestar vissu ekki einu sinni hvað sjálfbærar fjárfestingar væru,“ útskýrir Saugestad. „Þróunin hefur verið ör á þessu sviði. Til að byrja með snerist þetta að miklu leyti um viðskiptasiðferði. Að við vildum ekki hagnast á fjárfestingum í hverju sem er. Síðan færðist áherslan meira á áhættustýringu og við fórum að forðast að fjárfesta í fyrirtækjum í áhættusömum rekstri, til dæmis fyrirtækjum sem tengjast kolaframleiðslu og fyrirtækjum sem eiga slæma sögu þegar kemur að námugreftri, svo dæmi séu nefnd. Það eru fyrirtæki á ólíkum sviðum sem við reynum að forðast að fjárfesta í vegna þess að við teljum áhættuna einfaldlega of mikla. Á undanförnum árum hefur aukin áhersla loks verið lögð á að finna tækifærin. Hvar finnum við fyrirtæki sem veita sjálfbærar lausnir í samræmi við þróunarmarkmið Sameinuðu þjóðanna og við viljum styðja við?“ Það geti verið fyrirtæki sem standa fyrir metnaðarfullum aðgerðum í loftslagsmálum, koma að framleiðslu og dreifingu endurnýjanlegrar orku, taka þátt í deilihagkerfinu eða stuðla að umhverfisvænum samgöngum, svo dæmi séu tekin. Norðurlöndin standa framarlega „Þegar fjárfest er til langs tíma, eins og við gerum, verður maður að þekkja áhættuþættina en um leið að reyna að grípa tækifærin sem eru fyrir hendi. Við trúum því að fyrirtæki sem takast á við áskoranirnar sem steðja að heimshagkerfinu muni til lengra tíma verða arðbærari og áhættuminni en önnur fyrirtæki.“ Aðspurður segir Saugestad ekki að ástæðulausu hve framarlega fjárfestar á Norðurlöndunum standi þegar komi að sjálfbærum fjárfestingum. Flest helstu sjóðastýringarfyrirtækin í Noregi taki til að mynda mið af samfélagslegri ábyrgð í sínum fjárfestingum. „Jafnvel þótt markaðirnir á Norðurlöndunum séu litlir í alþjóðlegu samhengi eru þeir engu að síður þroskaðri þegar kemur að innleiðingu sjálfbærniviðmiða.“ Birtist í Fréttablaðinu Mest lesið Gengu langt í að vinna að lausn þótt bíllinn væri ekki í ábyrgð Neytendur „Fjárfestar eru bara venjulegt fólk“ Atvinnulíf Þrálát verðbólga og hægari vöxtur geti skapað áskoranir fyrir fjármálakerfið Viðskipti innlent Telur vaxtahækkanir viðskiptabankanna brattar Viðskipti innlent Kærasta rafmyntamógúls í fangelsi vegna FTX-svikanna Viðskipti erlent Hrönn, Viktor og Þórdís til Varðar Viðskipti innlent Ísak Einar til Samtaka atvinnulífsins Viðskipti innlent Verður framkvæmdastjóri á hugbúnaðarsviði Origo Viðskipti innlent Hafa rúmir opnunartímar áhrif á verðlag? Neytendur „Við eigum margar rómantískar stundir í vinnunni“ Atvinnulíf Fleiri fréttir Verður framkvæmdastjóri á hugbúnaðarsviði Origo Geta veitt fyrirtækjum hagstæðari lán Telur vaxtahækkanir viðskiptabankanna brattar Bein útsending: Haustráðstefna Stjórnvísi – Snjöll framtíð Þrálát verðbólga og hægari vöxtur geti skapað áskoranir fyrir fjármálakerfið Hrönn, Viktor og Þórdís til Varðar Ísak Einar til Samtaka atvinnulífsins Andri aðstoðarframkvæmdastjóri Júní Sunna veitir Livio samkeppni í frjósemi Enn eitt félag Quangs gjaldþrota Svekktur en ekki hissa á færri íbúðum í byggingu Færri íbúðir í byggingu en fyrir ári Gengi Icelandair flaug upp á við Vill laða að lágverðsverslun á Krókinn Spá 7,5 prósent stýrivöxtum í lok 2025 Fura Ösp nýr formaður stjórnar hjá Brandenburg Tekur við stöðu forstöðumanns þjónustu hjá Reitum Ráðin markaðsstjóri Sensa Milljarður í arðgreiðslur hjá Toyota Verðtryggð jafngreiðslulán aðeins í boði fyrir fyrstu kaupendur 4,4 milljarðar til borgarinnar vegna framkvæmda á Hólmsheiði Fegurð er glæpur kom út í mínus Skuldar félagi Einars 44 milljónir og gæti misst 295 milljóna hús „Alls konar fólk heyrt í mér um alls konar hluti“ Bein útsending: Ársfundur atvinnulífsins Hjalti Már tekur við af Hreiðari Þór hjá Datera Stórfyrirtæki hyggja á uppbyggingu á Hólmsheiði Bæta við níunda áfangastað sínum á Spáni Heildareignir einstaklinga jukust um rúm fimm prósent á síðasta ári Fleiri leigi nú af vinum og ættingjum Sjá meira
Stærsta sjóðastýringarfyrirtækið í Noregi, Storebrand, hefur ákveðið að halda innreið sína á íslenskan markað. Forstjórinn segist þess fullviss að áhersla fyrirtækisins á sjálfbærar og samfélagslega ábyrgar fjárfestingar muni vekja áhuga á meðal íslenskra stofnanafjárfesta. „Við höfum hugað að sjálfbærum fjárfestingum í yfir tuttugu ár og viljum glöð deila okkar reynslu og lausnum með íslenskum fjárfestum,“ segir Jan Erik Saugestad, forstjóri eignastýringarhluta fjármálafyrirtækisins Storebrand, í viðtali við Markaðinn. Norska félagið, sem er með yfir 70 milljarða evra, jafnvirði um 8.500 milljarða íslenskra króna, í stýringu, hefur þegar tilkynnt Fjármálaeftirlitinu um fyrirhugaða markaðssetningu sína á fjórum verðbréfasjóðum hér á landi. Saugestad segir að aflétting fjármagnshafta og nýlegt lagaákvæði sem skyldar íslenska lífeyrissjóði til þess að setja sér siðferðisleg viðmið í fjárfestingum hafi skapað Storebrand markaðstækifæri sem félagið vilji nýta sér. „Þetta er áhugavert tækifæri og við trúum því að við höfum upp á margt að bjóða.“Forsvarsmenn Storebrand munu sækja Ísland heim í lok mánaðarins og funda með fulltrúum stofnanafjárfesta, svo sem lífeyrissjóða, tryggingafélaga og verðbréfasjóða, en með í för verður einnig hópur norskra fjárfesta og viðskiptavina Storebrand sem mun heimsækja íslensk fyrirtæki og skoða hér fjárfestingartækifæri, að sögn Saugestads. Hann segir ýmislegt líkt með Noregi og Íslandi. „Við deilum að miklu leyti sömu menningu og auk þess glímum við, sem lítil lönd í heimshagkerfinu, við sumar af sömu áskorununum.“ Storebrand hafi áratugareynslu af því að starfa með norskum stofnanafjárfestum og geti miðlað henni til íslenskra fjárfesta. Þá hafi fyrirtækið auk þess skapað sér sérstöðu með áherslu sinni á sjálfbærar fjárfestingar. „Við trúum því, sem langtímafjárfestir, að sjálfbærni í fjárfestingum sé afar mikilvæg. Bæði er það klókt út frá áhættusjónarmiðum og auk þess er það hið eina rétta í stöðunni,“ nefnir hann. Segja má að á síðustu árum hafi orðið vitundarvakning á meðal fjárfesta um mikilvægi ábyrgra og sjálfbærra fjárfestinga. Sem dæmi hafa æ fleiri fjárfestar, þá ekki síst lífeyrissjóðir, sett sér stefnu sem tekur á svonefndum ESG-þáttum – en ESG stendur fyrir umhverfismál, samfélagsmál og stjórnarhætti (e. environmental, social og governance) – við fjárfestingar. Sjálfbærar fjárfestingar, þar sem tillit er tekið til ESG-þáttanna, hafa aukist verulega á undanförnum árum en til marks um það hefur aukning slíkra fjárfestinga í Evrópu verið tvöföld á við vöxt hefðbundinna fjárfestinga. Eignir í stýringu evrópskra sjóða sem taka mið af viðmiðum ESG hafa vaxið árlega um 29 prósent að meðaltali allt frá árinu 2007.Snerist um viðskiptasiðferði Þrátt fyrir að flestir stofnanafjárfestar hafi vaknað til vitundar um sjálfbærar fjárfestingar á allra síðustu árum hafa slíkar fjárfestingar verið eitt aðalsmerki Storebrand í yfir tuttugu ár. „Við fórum að huga að þessum þáttum um miðjan tíunda áratug síðustu aldar, þegar langflestir fjárfestar vissu ekki einu sinni hvað sjálfbærar fjárfestingar væru,“ útskýrir Saugestad. „Þróunin hefur verið ör á þessu sviði. Til að byrja með snerist þetta að miklu leyti um viðskiptasiðferði. Að við vildum ekki hagnast á fjárfestingum í hverju sem er. Síðan færðist áherslan meira á áhættustýringu og við fórum að forðast að fjárfesta í fyrirtækjum í áhættusömum rekstri, til dæmis fyrirtækjum sem tengjast kolaframleiðslu og fyrirtækjum sem eiga slæma sögu þegar kemur að námugreftri, svo dæmi séu nefnd. Það eru fyrirtæki á ólíkum sviðum sem við reynum að forðast að fjárfesta í vegna þess að við teljum áhættuna einfaldlega of mikla. Á undanförnum árum hefur aukin áhersla loks verið lögð á að finna tækifærin. Hvar finnum við fyrirtæki sem veita sjálfbærar lausnir í samræmi við þróunarmarkmið Sameinuðu þjóðanna og við viljum styðja við?“ Það geti verið fyrirtæki sem standa fyrir metnaðarfullum aðgerðum í loftslagsmálum, koma að framleiðslu og dreifingu endurnýjanlegrar orku, taka þátt í deilihagkerfinu eða stuðla að umhverfisvænum samgöngum, svo dæmi séu tekin. Norðurlöndin standa framarlega „Þegar fjárfest er til langs tíma, eins og við gerum, verður maður að þekkja áhættuþættina en um leið að reyna að grípa tækifærin sem eru fyrir hendi. Við trúum því að fyrirtæki sem takast á við áskoranirnar sem steðja að heimshagkerfinu muni til lengra tíma verða arðbærari og áhættuminni en önnur fyrirtæki.“ Aðspurður segir Saugestad ekki að ástæðulausu hve framarlega fjárfestar á Norðurlöndunum standi þegar komi að sjálfbærum fjárfestingum. Flest helstu sjóðastýringarfyrirtækin í Noregi taki til að mynda mið af samfélagslegri ábyrgð í sínum fjárfestingum. „Jafnvel þótt markaðirnir á Norðurlöndunum séu litlir í alþjóðlegu samhengi eru þeir engu að síður þroskaðri þegar kemur að innleiðingu sjálfbærniviðmiða.“
Birtist í Fréttablaðinu Mest lesið Gengu langt í að vinna að lausn þótt bíllinn væri ekki í ábyrgð Neytendur „Fjárfestar eru bara venjulegt fólk“ Atvinnulíf Þrálát verðbólga og hægari vöxtur geti skapað áskoranir fyrir fjármálakerfið Viðskipti innlent Telur vaxtahækkanir viðskiptabankanna brattar Viðskipti innlent Kærasta rafmyntamógúls í fangelsi vegna FTX-svikanna Viðskipti erlent Hrönn, Viktor og Þórdís til Varðar Viðskipti innlent Ísak Einar til Samtaka atvinnulífsins Viðskipti innlent Verður framkvæmdastjóri á hugbúnaðarsviði Origo Viðskipti innlent Hafa rúmir opnunartímar áhrif á verðlag? Neytendur „Við eigum margar rómantískar stundir í vinnunni“ Atvinnulíf Fleiri fréttir Verður framkvæmdastjóri á hugbúnaðarsviði Origo Geta veitt fyrirtækjum hagstæðari lán Telur vaxtahækkanir viðskiptabankanna brattar Bein útsending: Haustráðstefna Stjórnvísi – Snjöll framtíð Þrálát verðbólga og hægari vöxtur geti skapað áskoranir fyrir fjármálakerfið Hrönn, Viktor og Þórdís til Varðar Ísak Einar til Samtaka atvinnulífsins Andri aðstoðarframkvæmdastjóri Júní Sunna veitir Livio samkeppni í frjósemi Enn eitt félag Quangs gjaldþrota Svekktur en ekki hissa á færri íbúðum í byggingu Færri íbúðir í byggingu en fyrir ári Gengi Icelandair flaug upp á við Vill laða að lágverðsverslun á Krókinn Spá 7,5 prósent stýrivöxtum í lok 2025 Fura Ösp nýr formaður stjórnar hjá Brandenburg Tekur við stöðu forstöðumanns þjónustu hjá Reitum Ráðin markaðsstjóri Sensa Milljarður í arðgreiðslur hjá Toyota Verðtryggð jafngreiðslulán aðeins í boði fyrir fyrstu kaupendur 4,4 milljarðar til borgarinnar vegna framkvæmda á Hólmsheiði Fegurð er glæpur kom út í mínus Skuldar félagi Einars 44 milljónir og gæti misst 295 milljóna hús „Alls konar fólk heyrt í mér um alls konar hluti“ Bein útsending: Ársfundur atvinnulífsins Hjalti Már tekur við af Hreiðari Þór hjá Datera Stórfyrirtæki hyggja á uppbyggingu á Hólmsheiði Bæta við níunda áfangastað sínum á Spáni Heildareignir einstaklinga jukust um rúm fimm prósent á síðasta ári Fleiri leigi nú af vinum og ættingjum Sjá meira