Innherji
Fjárfestar bæta hratt í framvirku stöðuna til að verjast gengisstyrkingu
Áhugi fjárfesta og innlendra útflutningsfyrirtækja á að verja sig fyrir mögulegri gengisstyrkingu krónunnar hefur farið ört vaxandi á undanförnum mánuðum en hrein framvirk gjaldeyrisstaða með krónunni hefur núna ekki verið meiri frá því á sumarmánuðum ársins 2024. Á sama tíma eru lífeyrissjóðir farnir að bæta nokkuð í gjaldeyriskaup sín sem eru að nálgast að verða jafn mikil og allt árið í fyrra.
Fréttir í tímaröð
Þriðja verðbólgumælingin í röð sem sýnir ekki hækkanir á breiðum grunni
Verðbólgan í júní, meðal annars drifin áfram af mikilli verðhækkun flugfargjalda, mældist talsvert yfir meðalspá hagfræðinga og verðbólguálag á skuldabréfamarkaði hefur hækkað nokkuð eftir tíðindin. Sumir greinendur benda hins vegar á að þriðja mánuðinn í röð séu verðhækkanir ekki á breiðum grunni sem er góðs viti fyrir peningastefnunefnd Seðlabankans.
Kári bætir verulega við stöðuna í Stoðum með kaupum fyrir nærri milljarð
Félag í eigu Kára Guðjóns Hallgrímssonar, fjárfestis og sjóðstjóra, hefur á fyrstu mánuðum ársins haldið áfram að stækka talsvert við eignarhlut sinn í Stoðum, en fjárfestingafélagið hefur haft uppi áform um skráningu á hlutabréfamarkað.
Félag tengt Róberti með yfir tuttugu prósent af heildarstærð útboðs Alvotech
Félagið Alvogen Lux Holdings, annar stærsti hluthafi Alvotech og meðal annars í eigu stjórnarformannsins Róberts Wessman, stóð að baki kaupum á bréfum fyrir samtals um 38 milljónir dala að markaðsvirði þegar líftæknilyfjafyrirtækið kláraði stórt hlutafjárútboð í liðinni viku.
Forseti Akademias fyrstur Íslendinga til að vera kjörinn heiðursfélagi EURAM
Eyþór Ívar Jónsson, forseti fræðslufyrirtækisins Akademias, hefur verið kjörinn heiðursfélagi í fræðasamtökunum European Academy of Management (EURAM). Þetta er í fyrsta sinn sem Íslendingur hlýtur þessa viðurkenningu, en þau eru veitt fræðimönnum sem skilað hafa framúrskarandi framlagi til stjórnunar- og viðskiptafræði í Evrópu.
Námufélagið Greenland Mines tryggir sér forkaupsrétt í Helguvík
Námufyrirtækið Greenland Mines hefur náð samkomulagi við Reykjanes Investment sem veitir bandaríska félaginu forkaupsrétt á um 60 þúsund fermetra lóð sem áður hýsti kísilverið í Helguvík ásamt fyrirliggjandi iðnaðarhúsnæði og innviðum. Samkvæmt áformum Greenland Mines gæti svæðið orðið að miðstöð fyrir vinnslu og flutninga á sjaldgæfum málmum tengt verkefnum félagsins á Grænlandi.
Mest lesið
Myntbreyta
Mynt
Miðgengi
Upphæð
ISK1
GBP0
SEK0
USD0
EUR0
NOK0
DKK0
JPY0
Staða helstu viðskiptavina JBT-Marels sterkari núna en fyrir nokkrum árum
Afleiðingarnar af stríðsátökunum við Persaflóa hefur gert rekstrarumhverfi JBT-Marels erfiðara, meðal annars vegna áskorana í flutningum og verðhækkana á orku, en félagið er samt talsvert undirverðlagt á markaði, samkvæmt nýrri greiningu. Markaðsaðstæður í dag eru sagðar hagfelldari borið saman við stöðuna eftir innrás Rússa í Úkraínu snemma árs 2022 og staða helstu viðskiptavina JBT-Marels er nokkuð sterkari núna.
Sölutryggingin kostaði Alvotech yfir sjö hundruð milljónir
Ráðgjafakostnaður Alvotech þegar félagið efndi til 165 milljóna dala hlutafjárútboðs í upphafi vikunnar, einkum beint að fjárfestum í Bandaríkjunum, var samanlagt yfir fimm prósent af heildarstærð útboðsins. Þar munaði mestu um þóknun vegna sölutryggingar til umsjónaraðila almenna útboðsins vestanhafs.
Fjármögnunin á að auka trúverðugleika Controlant í augum viðskiptavina
Tæknifyrirtækið Controlant, sem hefur boðað til hluthafafundar í byrjun næsta mánaðar, áformar núna að sækja sér allt að þrettán milljónir Bandaríkjadala í aukið fjármagn með útgáfu breytanlegra skuldabréfa. Markmiðið með útgáfunni er meðal annars sagt vera til að auka trúverðugleika félagsins gagnvart væntanlegum viðskiptavinum.
Guðmundur Fertram fjárfestir í heilbrigðistæknifyrirtækinu NeckCare
Fjárfestingafélag í eigu Guðmundar Fertams Sigurjónssonar, stofnanda Kerecis, hefur fjárfest í NeckCare en íslenska heilbrigðistæknifyrirtækið er núna að ljúka við fjármögnun upp á samtals um 500 milljónir króna.
Fjármálastjórinn selur í Nova fyrir um tuttugu milljónir
Fjármálastjóri Nova til margra ára losaði um hluta bréfa sinna í vikunni með sölu fyrir meira en tuttugu milljónir króna en fjarskiptafélagið hefur átt nokkuð undir högg að sækja í Kauphöllinni að undanförnu.
Að vera hluti af stórri samstæðu gefur lögfræðistofum „raunverulegt forskot“
Bylting í notkun gervigreindar ásamt annars konar kröfum viðskiptavina munu að mati Axcel umbreyta rekstrarumhverfi lögfræðistofa á næstu árum með svipuðum hætti og orðið hefur í endurskoðunar- og ráðgjafargeiranum. Norræna sjóðastýringarfélagið hefur því ráðist í uppbyggingu nýrrar samstæðu viðskiptalögfræðistofa á Norðurlöndum en fjárfestingin í BBA//Fjeldco er hluti af þeirri stefnu, útskýrir einn stjórnenda Axcel í ítarlegu viðtali við Innherja, sem er jákvæður á langtímahorfur íslensks efnahagslífs og segir landið hafa sýnt að það „lætur að sér kveða langt umfram“ stærð sína.
Áfall fyrir keppinautinn í hliðstæðum við Simponi talið geta styrk stöðu Alvotech
Alvarlegar athugasemdir Evrópsku lyfjastofnunarinnar við framleiðsluaðstöðu kínverska líftæknifyrirtækisins Bio-Thera gætu styrkt stöðu Alvotech verulega á einum verðmætasta markaði félagsins á næstu árum. Bio-Thera hefur hingað til verið eini þekkti keppinautur Alvotech á markaði með hliðstæður við frumlyfið Simponi en Róbert Wessman hefur nýlega sagt að hann geri ráð fyrir að félagi verði í fararbroddi í sölu á því lyfi í Bandaríkjunum.
Raungengið áfram í hæstu hæðum nema það komi til áföll í útflutningsgreinum
Afar hátt afurðaverð í sjávarútvegi og verðhækkanir á áli samhliða því að vægi gagnaveranna í útflutningstekjum þjóðarbúsins fer vaxandi mun sennilega valda því að hliðra raungenginu til lengri tíma, að sögn greinenda Acro, en starfsemi gagnaveranna virðist ekki mjög næm fyrir háu raungengi. Skert samkeppnishæfni þjóðarbúsins vegna hás raungengis gæti því verið komin til að vera, í bili að minnsta kosti, nema það komi til áföll í útflutningsgreinum.
Gefur Alvotech nauðsynleg svigrúm og losar um óvissu sem vofði yfir félaginu
Yfir tuttugu milljarða hlutafjáraukning Alvotech átti ekki að koma á óvart með hliðsjón af þróun lausafjárstöðu á fyrsta fjórðungi og áformum um áframhaldandi miklar fjárfestingar, að sögn erlendra greinenda, en þeir segja stjórnendur núna hafa meiri sveigjanleika til að mæta rekstrarþörf félagsins auk þess sem búið sé að styrkja og einfalda fjárfestasöguna. Mikil velta hefur verið með bréf félagsins frá opnun markaðarins vestanhafs í dag og gengið hækkað talsvert frá útboðsgenginu.
Controlant freistar þess að klára allt að tíu milljóna dala fjármögnun
Íslenska hátæknifyrirtækið Controlant, sem þróar og framleiðir vöktunarlausnir fyrir lyf og heilbrigðisvörur, vinnur nú að því að klára fjármögnun í þessum mánuði frá innlendum fjárfestum í formi útgáfu breytanlegra skuldabréfa fyrir allt að tíu milljónir Bandaríkjadala. Félagið er samhliða því að endursemja um rýmri lánaskilmála við stærsta lánveitenda sinn, breskt sjóðastýringarfyrirtæki.
Alvotech klárar hlutafjárútboð sem tryggir félaginu allt að tuttugu milljarða
Alvotech hefur klárað almennt sölutryggt hlutafjárútboð í Bandaríkjunum samhliða lokuðu útboði beint að tilteknum fjárfestum á EES-svæðinu sem tryggir félaginu allt að rúmlega tuttugu milljarða, nokkuð meira en stefnt var að. Áskriftargengið var á talsverðum afslætti miðað við dagslokagengið í gær.
Alvotech efnir til útboðs í Bandaríkjunum og áformar að sækja yfir 15 milljarða
Alvotech hefur ákveðið að efna til sölutryggðs hlutafjárútboðs í Bandaríkjunum samhliða því að áforma að bjóða tilteknum fagfjárfestum á EES-svæðinu að kaupa bréf á sama gengi, en félagið væntir þess að söluandvirði hlutabréfanna muni samtals nema um 125 milljónum Bandaríkjadala. Hlutabréfaverð Alvotech hefur fallið skarpt á eftirmarkaði vestanhafs í kvöld en hlutafjáraukningin kemur í kjölfar þess að sjóðstaða félagsins hafði þrengst nokkuð á fyrstu mánuðum ársins.
Greinendur spá því að verðbólgan fari undir fimm prósent í fyrsta sinn á árinu
Gangi meðalspá fimm greinenda eftir mun tólf mánaða verðbólgan í þessum mánuði fara undir fimm prósent í fyrsta sinn á þessu ári, en það sem helst er talið að muni drífa áfram hækkun á vísitölu neysluverðs í júní eru meðal annars flugfargjöld og húsnæðisliðurinn. Skýr merki eru hins vegar um kólnun á vinnumarkaði með auknu atvinnuleysi og lausum störfum fækkar sem ætti að draga úr launaþrýstingi.
„Óheppilegt“ fyrirkomulag hjá Beru sem getur aukið hættu á hagsmunaárekstrum
Gildi hefur efasemdir um að það standist ákvæði laga um hlutafélög að nýkjörinn stjórnarformaður Beru, Andri Þór Guðmundsson, geti fengið greitt allt að 4,3 milljónir króna í þóknun á mánuði til að vinna að einstökum verkefnum fyrir félagið og segir þetta „óheppilega“ fyrirkomulag geta aukið hættu á hagsmunaárekstrum.
Eftir mikinn vöxt er líklegt að það verði pressa á kostnaðarstýringu hjá Kviku
Góðar líkur eru taldar á að Kviku muni takast að ná markmiði sínu um tuttugu prósenta arðsemi á efnislegt eigið fé samhliða vaxtaáformum lánabókarinnar, bestun efnahagsreiknings og sterkri kostnaðarstýringu, samkvæmt nýrri greiningu. Fjárfestum er ráðlagt að bæta við sig bréfum í bankanum.
Færa niður verðmiðann á Good Good um nærri helming
Tveir stærstu hluthafar Good Good, sem hefur verið að reyna hasla sér völl á Bandaríkjamarkaði með sölu á matvörum án viðbætts sykurs, hafa fært niður verðmiðann á félaginu um tæplega helming í bókum sínum. Good Good var verðmetið á yfir sex milljarða þegar framtakssjóður hjá Stefni fjárfesti félaginu fyrir fáeinum árum.
AGS varar við aukinni hættu á að hagvöxtur reynist minni en verðbólga meiri
Taumhald peningastefnu Seðlabankans þarf áfram að vera „nægjanlega þétt um nokkurt skeið“ eigi að tryggja varanlega og sjálfbæra hjöðnun verðbólgu, að mati Alþjóðagjaldeyrissjóðsins, en sendinefnd sjóðsins varar einnig við því að vegna átakanna við Persaflóa sé aukinn áhætta á að hagvöxtur muni reynast minni en verðbólga meiri. Þá leggur sjóðurinn til að opinberir starfsmenn taki þátt í kjaraviðræðum samhliða einkageiranum þannig að samningalotur séu betur samstilltar, sem myndi þá stuðla að launaþróun í samræmi við framleiðnivöxt og verðbólgu.
Mæla með kaupum og telja að það horfi til betri vegar eftir mikinn ólgusjó
Eftir að hafa verið í miklum ólgusjó síðustu misseri þá horfir til betri vegar hjá Alvotech með umsóknum um markaðsleyfi á nýjum lyfjum til FDA, samkvæmt nýrri greiningu, en félagið er verðmetið langt yfir markaðsgengi og því spáð að tekjur þessa árs verði við efri mörk útistandandi afkomuáætlunar. Greinendur vara samt við því að ef það verða hnökrar í ár á rekstri Alvotech, sem skuldar samtals um 1,7 milljarða dala, með tilheyrandi neikvæðum áhrifum á áætlanir næstu ára þá séu „töluverðar líkur“ á að félagið lendi í erfiðleikum.