Drapers þolir ekki FCUK

Drapers tískutímaritið sem af flestum er talin Biblía tískuiðnaðarins, hefur átt þátt í því að verðbréf hjá fataframleiðandanum French Connection hafa lækkað. Verðbréf hjá framleiðandanum lækkuðu um átta prósent á dögunum og búist er við að þau lækki enn meira. Drapers hefur talað mjög illa um FCUK-línuna hjá French Connection og lýsir henni sem þreyttri og asnalegri. FCUK hefur verið mjög vinsæl lína árum saman en þeir hjá Drapers halda því fram að allir séu orðnir hundleiðir á FCUK. Margir kannast eflaust við FCUK slagorðið á bolum frá French Connection.