Eldhúshnífarnir þrír

Hnífar eru bráðnauðsynlegir í eldhúsið og það getur verið vandasamt að finna gæðahnífa á viðráðanlegu verði. Sem betur fer er nú komið í ljós að það þarf aðeins þrjár gerðir hnífa til að framkvæma allar helstu eldhúsaðgerðir. Kokkahnífurinn (líka kallaður franski hnífurinn) er mest notaði og nýtilegasti hnífurinn í eldhúsinu. Veldu mjög beittan hníf með 15-20 sentimetra löngu blaði. Það er auðveldara að skera og saxa ef hnífsblaðið er langt og því lengra því betra. Mörgum þykir það sjálfsagt ótrúlegt en beittur hnífur er öruggari í eldhúsinu en bitlaus þar sem það þarf ekki að beita eins miklu afli við að nota þann fyrrnefnda og því ekki hætta á alvarlegum slysum. Minni hnífur sem er aðeins lengri og beittari en venjulegur borðhnífur er nauðsynlegur til að skera utan af ávöxtum, skafa grænmeti og snyrta það sem fyrst var skorið með stóra hnífnum. Brauðhnífur með skörðóttri egg er áreiðanlega til í flestum eldhúsum og hið mesta þarfaþing, ætlaður til að skera brauð. Hann má ekki nota til að skera grænmeti eða kjöt þar sem það getur spillt bragðinu. Nauðsynlegt er að passa upp á hnífana sína með því að skerpa þá þegar þeir verða bitlausir og geyma þá á öruggum stað, bæði hnífanna vegna og ekki síður heimilisfólksins.