Árni, Steingrímur og Valgerður 18. nóvember 2004 00:01 Meðal gesta í Silfri Egils á Stöð 2 á sunnudaginn eru Árni Magnússon félagsmálaráðherra, Steingrímur J. Sigfússon, formaður Vinstri grænna, Valgerður Bjarnadóttir, pistlahöfundur á Fréttablaðinu, Stefán Snævarr heimspekingur og Eiríkur Örn Norðdahl rithöfundur. Fleiri eiga eftir að bætast í þennan hóp þegar líður nær helginni - af nógu er að taka eftir viðburðaríkar vikur bæði innanlands og utan. Stefán, sem er prófessor í Noregi, mun tala um nýja bók sína Ástarspekt, en þar er meðal annars að finna hárbeitta gagnrýni á frjálshyggjuna. Annars er Stefán með skemmtilegustu mönnum - og býsna fullyrðingasamur. Eiríkur kemur í þáttinn með fyrstu skáldsögu sína, Hugsjónadrusluna, en annars er hann á ferðalagi með vini sínum tónlistarmanninum Mugison. Mér skilst þeir séu á NASA í kvöld, fimmtudag. Eiríkur er mikilvirkur bloggari og eitt af snéníunum sem standa á bak við félagsskap sem kallar sig Nýhil. Þetta er ungt fólk sem er óbangið við taka afstöðu til stjórnmála, lista, tungumálsins og alls milli himins og jarðar - og finnst yfirleitt betra að hafa hátt en að þegja. Þátturinn er í opinni dagskrá á Stöð 2 á sunnudag og er svo endurtekinn undir miðnættið sama kvöld. Einnig er hægt að fylgjast með honum hér á veftívíinu. Viltu birta grein á Vísi? Sendu okkur póst. Senda grein Pistlar Silfur Egils Mest lesið Er Ísrael ennþá útvalin þjóð Guðs? Ómar Torfason Skoðun Flokkurinn hans Gunnars Smára? Guðbergur Egill Eyjólfsson Skoðun Falleinkunn skólakerfis? Helga Þórisdóttir Skoðun Hver borgar brúsann? Ingibjörg Isaksen Skoðun Hvers vegna berðu kross? Hrafnhildur Sigurðardóttir Skoðun Sniðgangan á Rapyd slær öll met Björn B. Björnsson Skoðun Þannig gerum við þetta? Ísak Ernir Kristinsson Skoðun Stærsta framfaraskref í námsmati íslenskra barna í áratugi Guðmundur Ingi Kristinsson Skoðun Ísland gjaldþrota vegna fatlaðs fólks? Alma Ýr Ingólfsdóttir Skoðun Hvar er auðlindarentan? Birta Karen Tryggvadóttir Skoðun
Meðal gesta í Silfri Egils á Stöð 2 á sunnudaginn eru Árni Magnússon félagsmálaráðherra, Steingrímur J. Sigfússon, formaður Vinstri grænna, Valgerður Bjarnadóttir, pistlahöfundur á Fréttablaðinu, Stefán Snævarr heimspekingur og Eiríkur Örn Norðdahl rithöfundur. Fleiri eiga eftir að bætast í þennan hóp þegar líður nær helginni - af nógu er að taka eftir viðburðaríkar vikur bæði innanlands og utan. Stefán, sem er prófessor í Noregi, mun tala um nýja bók sína Ástarspekt, en þar er meðal annars að finna hárbeitta gagnrýni á frjálshyggjuna. Annars er Stefán með skemmtilegustu mönnum - og býsna fullyrðingasamur. Eiríkur kemur í þáttinn með fyrstu skáldsögu sína, Hugsjónadrusluna, en annars er hann á ferðalagi með vini sínum tónlistarmanninum Mugison. Mér skilst þeir séu á NASA í kvöld, fimmtudag. Eiríkur er mikilvirkur bloggari og eitt af snéníunum sem standa á bak við félagsskap sem kallar sig Nýhil. Þetta er ungt fólk sem er óbangið við taka afstöðu til stjórnmála, lista, tungumálsins og alls milli himins og jarðar - og finnst yfirleitt betra að hafa hátt en að þegja. Þátturinn er í opinni dagskrá á Stöð 2 á sunnudag og er svo endurtekinn undir miðnættið sama kvöld. Einnig er hægt að fylgjast með honum hér á veftívíinu.