Vilja upplýsingar um Listahátíð

Á fundi borgarráðs Reykjavíkurborgar í dag lögðu fulltrúar Sjálfstæðisflokks fram fyrirspurn um kynningarfundi Listahátíðar sem haldnir hafa verið í London, New York, Berlín og Kaupmannahöfn vegna Listahátíðar í Reykjavík sem haldin verður í sumar. Í fyrirspurninni er óskað eftir upplýsingum um hvað þessar kynningar hafi kostað í heild sinni og hver hlutdeild Reykjavíkurborgar hafi verið. Jafnframt er óskað eftir upplýsingum um hverjir hafi tekið þátt í kynningunum fyrir hönd Reykjavíkurborgar.