Allir andvígir sameiningu

Allir bæjarfulltrúar í Sandgerði eru andvígir því að sveitarfélagið sameinist Reykjanesbæ og Garði. Kjósa á um sameiningu sveitarfélaganna áttunda október. Á bæjarstjórnarfundi í gær samþykktu bæjarfulltrúar samhljóða bókun þar sem segir að sameining Sandgerðis við önnur sveitarfélög sé ótímabær. Þar segir jafnframt að það sé trú bæjarfulltrúa Sandgerðisbæjar að hag bæjarbúa sé best borgið með því að reka sjálfstætt bæjarfélag þar sem íbúar á staðnum geti mótað umhverfi sitt og lífsafkomu í samræmi við þarfir og óskir þeirra sem búi á staðnum.