Ferjan St. Ola leysir Herjólf af

Eistneska ferjan St. Ola siglir nú milli Vestmannaeyja og Þorlákshafnar meðan ferjan Herjólfur er í slipp í venjubundinni skoðun. Herjólfur sigldi til Danmerkur í slipp á miðvikudagskvöldið og er gert ráð fyrir að hann verði þar í tvær vikur.

Bergur Kristinsson stýrimaður er einn af fjórum úr áhöfn Herjólfs sem starfa núna á St. Ola og lætur vel af afleysingaferjunni. „Þetta eru mjög flinkir og almennilegir karlar." Flestir úr áhöfn Herjólfs fylgdu honum í slipp að sögn Bergs.