Icelandair skráð í Kauphöllina

Áætlanir FL Group um sölu á hlutabréfum í Icelandair tóku óvænta stefnu í gær þegar félagið greindi frá áformum sínum um skráningu Icelandair Group í Kauphöll fyrir áramót.

FL hefur samið við Glitni um að sölutryggja 51 prósents hlut í Icelandair sem seldur verður til fagfjárfesta og almennings og starfsmanna og stjórnenda Icelandair.

Icelandair er metið á 43 milljarða króna og leysir FL út verulegan söluhagnað.

Ker, sem hafði áhuga á að kaupa Icelandair með fulltingi Kaupþings, sleit viðræðum við FL þar sem það sætti sig hvorki við verðlagningu á Icelandair né aðferðafræðina við söluna.