Daníel Ágúst með Hairdoctor

Það er mikill heiður fyrir okkur að fá að spila með einum af besta söngvara Íslands, segir Jón Atli Helgason, annar af meðlimum hljómsveitarinnr Hairdoctor en söngvarinn Daníel Ágúst mun koma fram með hljómsveitinni á komandi Airwaves hátíð.

Árni +1 og Jón Atli skipa hljómsveitina Hairdoctor og byrjaði þetta samstarf þeirra og Daníels með því að þeir gerður remix af lagi hans The Moss ásamt tónlistamanninum OZY. Þetta passaði bara allt svo vel saman og hefur okkur lengi langað til að gera remix af lögunum hans Daníels enda hentar rödd hans vel í elektró lögin sem við erum að gera.

Jón Atli segist lengi hafa verið aðdáandi Daníels eða síðan í menntaskóla. Jú jú, maður átti meira að segja eina plötu með Ný dönsk í gamla daga þó að ég verði að viðurkenna að ég tek hiklaust Gusgus fram yfir þá hljómsveit.

Daníel Ágúst kemur sjálfur fram á Airwaves en það er klukkan 20 á laugardagskvöldið í Hafnarhúsinu en skokkar svo bara yfir götuna þar sem Hairdoctor mun spila klukkan 1 á Gauknum. Ég gæti ekki verið ánægðari með staðsetninguna og tímann. Whomadewho hita upp fyrir okkur, segir Jón Atli glaður í bragði og það er greinilegt að spenningurinn fyrir Airwaves hátíðina er að ná hámarki þessa dagana.