Eignum komið í arðbær not

Hlutafélag um mannvirkin á Keflavíkurflugvelli verður stofnað næstkomandi þriðjudag að sögn Geirs H. Haarde forsætisráðherra.

Í stefnuræðu sinni við upphaf Alþingis í haust sagði Geir mikil tækifæri liggja í að koma þessum eignum í arðbær not hér innan lands, án þess að valda röskun í samfélaginu á Suðurnesjum. Því hafi verið ákveðið að stofna hlutafélag í eigu ríkisins en með aðild sveitarfélaga sem fá mun það verkefni að umbreyta varnarsvæðinu og þróa til framtíðarnota.