Hápunktur Airwaves

Heimasíðan Drowned in Sound gefur síðustu Iceland Airwaves-hátíð góða dóma. Frammistaða Jakobínarínu var að mati blaðamanns einn af hápunktum hátíðarinnar. „Á bak við allan hávaðann og glamrandi gítarana er sál og ungæðisleg spilagleði sem á sér fáa líka,“ sagði hann.

Franska hljómsveitin Gojira fær einnig góða dóma og segir blaðamaður að rokksveitin Mínus hafi átt í mestu vandræðum með að koma á svið á eftir henni.

Mr Silla & Mongoose, Skakkamanage og I Adapt fá einnig góða dóma og eiga framtíðina fyrir sér að mati Drowned in Sound.