Viðurkenningar fyrir framlag til barnamenningar

Viðurkenningar fyrir framlag til barnamenningar voru veittar í 19. skipti í dag. Það er samtökin IBBY sem stóðu fyrir viðurkenningunum.

Sigrún Eldjárn var ein þeirra sem hlaut viðurkenningu fyrir myndir sínar og ritverk en alls hefur hún gefið út 34 bækur og hlotið fjölda verðlauna og tilnefninga fyrir þær.

Leikbrúðugerðamaðurinn Brend Ogrodnik þau einnig verðlaun en hann hefur verið mjög afkastamikill í leiksýningum hér á landi og gerði meðal annars þær fjölmörgu brúður sem sáust í leikverkinu Klaufar og kóngsdætur.

Björk Bjarkadóttir hlaut svo verðlaun fyrir ritstörf í þágu barna. Hún hefur skrifað fimm bækur fyrir yngstu lesendurna.

IBBY er skammstöfun á enska heitinu The International Board on Books for Young People en það eru alþjóðleg samtök. IBBY deildir eru nú í 60 ríkjum víðs vegar um heim en hér á landi voru þau stofnuð árið 1987.

Jafnframt var goðsagnabókin „Heil brú“ kynnt en hún var unnin með þeim hætti myndlistamenn völdu sér viðfangsefni í goðafræðinni og unnu myndir. Á eftir skrifuðu rithöfundar sögu út frá myndefninu.