Fagna brottför hersins

Stjórnarandstaðan fagnar því heilshugar að herinn sé á förum. Formenn Samfylkingar og Vinstri grænna telja hins vegar alvarlega ágalla á samningum við Bandaríkjamenn. Sérlega sé alvarlegt að þeir hreinsi ekki varnarsvæðið á Miðnesheiði. Formaður Samfylkingarinnar segir að Íslendingar hafi komið sér í vonlausa samningsstöðu, með aðgerðarleysi, innihaldslausum hótunum sem hafi verið fylgt eftir með yfirlýsingu um að þeir ættu engra annarra kosta völ en að semja við Bandaríkin um áframhaldandi varnir landsins. Bandaríkjamenn hafi með öðrum orðum fengið sjálfdæmi. Samningurinn beri því vitni.