Auðveldur sigur hjá Gummersbach

Þýska handknattleiksliðið Gummersbach vann í kvöld auðveldan 36-25 sigur á norsku meisturunum Sandefjord í Meistaradeildinni, eftir að staðan hafði verið jöfn í hálfleik 15-15. Leikurinn fór fram í Leverkusen þar sem heimavöllur Gummersbach er ekki löglegur í Evrópukeppnum.

Guðjón Valur Sigurðsson var markahæstur í þýska liðinu líkt og gegn Fram á dögunum og skoraði 8 mörk í leiknum, líkt og Michael Spatz og Róbert Gunnarsson skoraði 4 mörk í sínum fyrsta leik eftir meiðsli.

Í síðari leik kvöldsins valtaði þýska liðið Kiel yfir Banik Karvina 44-25 eftir að hafa verið tveimur mörkum yfir í hálfleik 20-18.