Yfirlætislegt tal að segja að meiri hagsmunir víki fyrir mini

Það yfirlætislegt tal að halda því fram um nýhafnar hvalveiðar að meiri hagsmunir víki fyrir minni. Þetta sagði Einar K. Guðfinnssona sjávarútvegsráðherra í ræðu sinni á aðalfundi LÍÚ í dag. Einar sagði að í hvalveiðum fælust gríðarlegir efnahagslegir hagsmunir. Bent hefði verið á að afrakstur þorskstofnsins gæti orðið allt að fimmtungi minni ef hvalastofnanir væru friðaðir.

Þá sagði Einar það næsta óumdeilt að stofnar langreyðar og hrefnu hér við land væru í góðu ásigkomulagi og benti á að mótmæli vegna vísindaveiða Íslendinga hefðu varla verið merkjanleg. Þó bæri ekki að fordæma varnaðarorð í málinu. Íslendingar þyrftu að búa sig undir viðbrögð og svara þeim með rökum. Það væri bæði réttur og skylda Íslendinga að nýta þessa auðlind.