Vinstri - grænir stilla upp lista í Norðvesturkjördæmi

Fulltrúaráð Vinstri - grænna í Norðvesturkjördæmi samþykkti á fundi sínum í Búðardal í gær að stilla upp á lista flokksins í kjördæminu fyrir komandi þingkosningar. Fram kemur á heimasíðu Vinstri - grænna í Skagafirði að kosnir hafi verið sjö fulltrúar í uppstillinganefnd víðsvegar að úr kjördæminu og á hún að skila sem fyrst tillögum að framboðslista sem lagður verður fyrir kjördæmisráðsfund til samþykktar. Jón Bjarnason alþingismaður lýsti því yfir á fundinum að hann væri reiðubúinn að leiða listann í næstu kosningum.