Turner og Flip í stuði

Rapparinn Prozack Turner úr hljómsveitinni Foreign Legion og Dj Flip, sem er fyrrverandi heimsmeistari ITF í skratsi, halda tónleika á skemmtistaðnum Domo í kvöld.

Prozack Turner sendi nýlega frá sér sólóplötuna Bang A Thon, þar sem Brother Ali, Buckle Bros og Marc Stretch úr Foreign Legion eru gestarapparar. Dj Flip er eigandi Lucky Charm Records og er frá Írlandi. Hann er á leið í Evrópuför með Buck 65 til að kynna plötuna Dirk Thornton.

Original Melody hitar upp í kvöld. Húsið verður opnað klukkan 21.00 og kostar 1.000 krónur inn.