Bjartsýn á franskt/íslenskt framhald 14. maí 2007 01:00 Risessan sveif tignarlega um borð í bát og sigldi á brott en karl faðir hennar sprakk úr reiði og veldur því varla meiri usla í bráð. MYND/Vilhelm Það var tilkomumikil sjón þegar götuleikhúsið Royal de Luxe sprengdi höfuð risans mislynda í loft upp og risessan sigldi úr Reykjavíkurhöfn. Þá var létt yfir mannskapnum sem undanfarna þrjá mánuði hefur staðið fyrir franska vorinu á Íslandi. Meðal kátustu gestanna um borð í varðskipinu Óðni á laugardaginn voru franski sendiherrann Nicole Michelangeli og Olivier Poivre d’Arvor sem kom að skipulagningu menningarkynningarinnar Pourquoi Pas? fyrir hönd Cultures France, stofnunar á vegum frönsku utanríkis- og menningarmálaráðuneytanna. Dagskráin var unnin í nánum tengslum við íslensk stjórnvöld en hátíðin er sú fyrsta sinnar tegundar hér á landi. Tildrög hennar má rekja til samkomulags franskra og íslenskra stjórnvalda frá árinu 2001. „Þegar við fórum af stað byrjuðum við á nafninu, „Pourquoi Pas?“ sem þýðir „hví ekki?“. Í dag getum við fullyrt að spurningin var góð og að svarið sé fólgið í því að við deilum svo mörgu, þessar tvær þjóðir eiga margt sameiginlegt. Þrátt fyrir að vera fjarlæg á landakortinu deilum við reynslu, ástríðu fyrir menningu, listum og sköpun,“ útskýrir Olivier. Aðsóknin að yfir sextíu viðburðum hátíðarinnar var afbragðsgóð að sögn skipuleggjendanna en um hundrað þúsund gestir sóttu hátíðina, sem verður ekki síst minnst fyrir uppákomuna í gær þegar þúsundir manna sáu sjónarspil ofvöxnu feðginanna í miðbænum. Olivier kveðst stoltur og hamingjusamur yfir því að hafa verið þátttakandi í verkefninu sem hefur áorkað miklu. „Nú eigum við nýja vini á Íslandi en það er mikilvægt að skipuleggja næstu skref,“ segir hann. Nicole tekur undir mikilvægi þess að byggja á þeim fjölþættu tengslum sem nú hafa skapast milli Íslands og Frakklands. „Þessi hátíð snerist um skemmtunina en framtíðarmarkmið hennar er einnig að efla samskiptin og brúa bilið milli landanna, við viljum að Íslendingar finni fyrir meiri tengslum við Frakkland, við franska tungu og menningu.“ Hún bætir við að aðstandendurnir séu afar glaðir með framkvæmdina og aðsóknina. „Nú vinnum við að framhaldinu,“ segir hún. „Nú er fleira sem sameinar okkur, ef við viljum það,“ bætir Olivier við að lokum. Mest lesið Sjóðheitar og einhleypar inn í haustið Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið Ísland með auga fuglsins Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Myndasyrpa úr Bakgarðshlaupinu Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Það var tilkomumikil sjón þegar götuleikhúsið Royal de Luxe sprengdi höfuð risans mislynda í loft upp og risessan sigldi úr Reykjavíkurhöfn. Þá var létt yfir mannskapnum sem undanfarna þrjá mánuði hefur staðið fyrir franska vorinu á Íslandi. Meðal kátustu gestanna um borð í varðskipinu Óðni á laugardaginn voru franski sendiherrann Nicole Michelangeli og Olivier Poivre d’Arvor sem kom að skipulagningu menningarkynningarinnar Pourquoi Pas? fyrir hönd Cultures France, stofnunar á vegum frönsku utanríkis- og menningarmálaráðuneytanna. Dagskráin var unnin í nánum tengslum við íslensk stjórnvöld en hátíðin er sú fyrsta sinnar tegundar hér á landi. Tildrög hennar má rekja til samkomulags franskra og íslenskra stjórnvalda frá árinu 2001. „Þegar við fórum af stað byrjuðum við á nafninu, „Pourquoi Pas?“ sem þýðir „hví ekki?“. Í dag getum við fullyrt að spurningin var góð og að svarið sé fólgið í því að við deilum svo mörgu, þessar tvær þjóðir eiga margt sameiginlegt. Þrátt fyrir að vera fjarlæg á landakortinu deilum við reynslu, ástríðu fyrir menningu, listum og sköpun,“ útskýrir Olivier. Aðsóknin að yfir sextíu viðburðum hátíðarinnar var afbragðsgóð að sögn skipuleggjendanna en um hundrað þúsund gestir sóttu hátíðina, sem verður ekki síst minnst fyrir uppákomuna í gær þegar þúsundir manna sáu sjónarspil ofvöxnu feðginanna í miðbænum. Olivier kveðst stoltur og hamingjusamur yfir því að hafa verið þátttakandi í verkefninu sem hefur áorkað miklu. „Nú eigum við nýja vini á Íslandi en það er mikilvægt að skipuleggja næstu skref,“ segir hann. Nicole tekur undir mikilvægi þess að byggja á þeim fjölþættu tengslum sem nú hafa skapast milli Íslands og Frakklands. „Þessi hátíð snerist um skemmtunina en framtíðarmarkmið hennar er einnig að efla samskiptin og brúa bilið milli landanna, við viljum að Íslendingar finni fyrir meiri tengslum við Frakkland, við franska tungu og menningu.“ Hún bætir við að aðstandendurnir séu afar glaðir með framkvæmdina og aðsóknina. „Nú vinnum við að framhaldinu,“ segir hún. „Nú er fleira sem sameinar okkur, ef við viljum það,“ bætir Olivier við að lokum.
Mest lesið Sjóðheitar og einhleypar inn í haustið Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið Ísland með auga fuglsins Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Myndasyrpa úr Bakgarðshlaupinu Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira