Yfirlýsing á næstunni

Breska stúlknasveitin Spice Girls ætlar að tilkynna um framtíðaráform sín á næstu dögum. Miklar vangaveltur hafa verið uppi um að stúlkurnar ætli að koma saman á nýjan leik eftir margra ára hvíld.

Kryddpíurnar hafa selt yfir þrjátíu milljónir platna og komist á toppinn víða um heim. Eftir gífurlegar vinsældir á tíunda áratugnum ákváðu þær að einbeita sér að sólóferlum með afar misjöfnum árangri. Talið er að píunar ætli á tónleikaferð um heiminn og að ný plata sé væntanleg úr þeirra herbúðum.