Ísland áberandi á tískuviku 10. ágúst 2007 01:00 Tískuvikan í Kaupmannahöfn hófst á miðvikudag og stendur fram á sunnudag. Samhliða henni er haldinn fjöldi sölusýninga, sem margir íslenskir hönnuðir taka þátt í. Steinunn Sigurðardóttir, sem hlaut norrænu hönnunarverðlaunin Gínuna fyrr í vikunni, er ein hinna útvöldu hönnuða sem sýna hönnun sína á sölusýningunni Gallery, en það er CPH Vision sem flestir íslenskir hönnuðir sækja heim. Guðrún Sveinbjörnsdóttir kynnir merkið sitt, GuSt, í fyrsta sinn á CPH Vision. „Hún er svona fyrir ný merki og minni fyrirtæki og er ferskari og framsæknari en stóra sýningin, CIFf," sagði Guðrún. „Þetta er í fyrsta sinn sem ég er með fötin mín í boði erlendis. Ég á tíu ára afmæli í haust og er að prófa þetta núna," bætti hún við. Guðrún sagði dönsku tískuvikuna hiklaust standa íslenskum hönnuðum næst. „En þó að hönnuðirnir sem sýna séu flestallir frá Skandinavíu er líka heilmikið af kaupendum alls staðar að," sagði hún. Gunnar Hilmarsson, iðulega kenndur við GK, tók í sama streng. „Styrkur þessarar sýningar er sá að Skandínavar eru mjög trúir sinni hönnun, og búðirnar kaupa langmest inn af henni," sagði hann. „Það er lífsnauðsynlegt." Gunnar og Kolbrún, kona hans, kynntu nýtt merki sitt, Andersen & Lauth, fyrst á CPH Vision í vor. „Þá seldum við í um sjötíu búðir, og núna erum við búin að bæta við umboðsmönnum í Frakklandi, á Englandi og Írlandi," sagði Gunnar. Þau munu einnig sýna á Prêt-à-Porter í París í byrjun september. Á meðal annarra íslenska hönnuða á CPH Vision má nefna Birnu Karen Einarsdóttur, Guðbjörgu Reykjalín, Sigrúnu Úlfarsdóttur og Verksmiðjukonurnar Maríu K. Magnúsdóttur, Önnu Guðmundsdóttur, Huldu Kristinsdóttur, Rósu E. R. Helgadóttur, Þorbjörgu Valdimarsdóttur og Heiðu Eiríksdóttur. Einn hluti CPH Vision nefnist Designers' Nest, og er helgaður fatahönnunarnemum. Þar eru staddir fimm nemar úr Listaháskóla Íslands, og Linda Björg Árnadóttir, fagstjóri fatahönnunar, segir sýninguna gott tækifæri. „Þetta er góð kynning fyrir krakkana. Þau geta selt fötin sín, jafnvel fengið vinnu, eða hlotið verðlaun," sagði hún. Danska krónprinsessan Mary er verndari Designers' Nest og veitir árlega besta skandínavíska tískunemandanum 50.000 danskar krónur í verðlaun. Linda segir dönsku tískuvikuna og vörusýningarnar sem henni fylgja afar sterka, og þá einu með viti í Skandinavíu. „Skólanum er boðið að taka þátt í ýmsum uppákomum úti um allan heim, en ég hef eiginlega valið þetta sem það sem við ætlum að gera," sagði Linda. Mest lesið Sjóðheitar og einhleypar inn í haustið Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið Ísland með auga fuglsins Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Myndasyrpa úr Bakgarðshlaupinu Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Tískuvikan í Kaupmannahöfn hófst á miðvikudag og stendur fram á sunnudag. Samhliða henni er haldinn fjöldi sölusýninga, sem margir íslenskir hönnuðir taka þátt í. Steinunn Sigurðardóttir, sem hlaut norrænu hönnunarverðlaunin Gínuna fyrr í vikunni, er ein hinna útvöldu hönnuða sem sýna hönnun sína á sölusýningunni Gallery, en það er CPH Vision sem flestir íslenskir hönnuðir sækja heim. Guðrún Sveinbjörnsdóttir kynnir merkið sitt, GuSt, í fyrsta sinn á CPH Vision. „Hún er svona fyrir ný merki og minni fyrirtæki og er ferskari og framsæknari en stóra sýningin, CIFf," sagði Guðrún. „Þetta er í fyrsta sinn sem ég er með fötin mín í boði erlendis. Ég á tíu ára afmæli í haust og er að prófa þetta núna," bætti hún við. Guðrún sagði dönsku tískuvikuna hiklaust standa íslenskum hönnuðum næst. „En þó að hönnuðirnir sem sýna séu flestallir frá Skandinavíu er líka heilmikið af kaupendum alls staðar að," sagði hún. Gunnar Hilmarsson, iðulega kenndur við GK, tók í sama streng. „Styrkur þessarar sýningar er sá að Skandínavar eru mjög trúir sinni hönnun, og búðirnar kaupa langmest inn af henni," sagði hann. „Það er lífsnauðsynlegt." Gunnar og Kolbrún, kona hans, kynntu nýtt merki sitt, Andersen & Lauth, fyrst á CPH Vision í vor. „Þá seldum við í um sjötíu búðir, og núna erum við búin að bæta við umboðsmönnum í Frakklandi, á Englandi og Írlandi," sagði Gunnar. Þau munu einnig sýna á Prêt-à-Porter í París í byrjun september. Á meðal annarra íslenska hönnuða á CPH Vision má nefna Birnu Karen Einarsdóttur, Guðbjörgu Reykjalín, Sigrúnu Úlfarsdóttur og Verksmiðjukonurnar Maríu K. Magnúsdóttur, Önnu Guðmundsdóttur, Huldu Kristinsdóttur, Rósu E. R. Helgadóttur, Þorbjörgu Valdimarsdóttur og Heiðu Eiríksdóttur. Einn hluti CPH Vision nefnist Designers' Nest, og er helgaður fatahönnunarnemum. Þar eru staddir fimm nemar úr Listaháskóla Íslands, og Linda Björg Árnadóttir, fagstjóri fatahönnunar, segir sýninguna gott tækifæri. „Þetta er góð kynning fyrir krakkana. Þau geta selt fötin sín, jafnvel fengið vinnu, eða hlotið verðlaun," sagði hún. Danska krónprinsessan Mary er verndari Designers' Nest og veitir árlega besta skandínavíska tískunemandanum 50.000 danskar krónur í verðlaun. Linda segir dönsku tískuvikuna og vörusýningarnar sem henni fylgja afar sterka, og þá einu með viti í Skandinavíu. „Skólanum er boðið að taka þátt í ýmsum uppákomum úti um allan heim, en ég hef eiginlega valið þetta sem það sem við ætlum að gera," sagði Linda.
Mest lesið Sjóðheitar og einhleypar inn í haustið Lífið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Var talin vera hommi og lögð í einelti Lífið Janet Jackson biðst afsökunar á undarlegum ummælum Lífið Ísland með auga fuglsins Lífið Borðar það sem alltaf hefur verið til og léttist og léttist Lífið Ein lausn er að liggja hlið við hlið og fróa sér Lífið Aldrei litið betur út þrátt fyrir alvarlegt slys Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Myndasyrpa úr Bakgarðshlaupinu Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira