37 atriði staðfest á Aldrei fór ég suður

Nýr og uppfærður listi yfir þá sem koma fram á Aldrei fór ég suður hefur nú litið dagsins ljós. Helstu tíðindi eru þau að rokksveitin I adapt hefur dottið út vegna anna hljómsveitarmeðlima sem eru uppteknir við að meika það í útlöndum. Í staðinn hafa bæst við franska hljómsveitin Nosfell, Ólöf Arnalds og Dónadúettinn og heimaatriðin Hrólfur Vagnsson, Kristina Logos, Xenophobia og síðast en ekki síst Lúðrasveit Tónlistarskólans á Ísafirði. Atriðin eru nú hvorki fleiri né færri en 37 talsins.

Ítarlegur listi flytjenda og nánari upplýsingar um hátíðina sem haldin verður á Ísafirði 7. apríl má finna á vefsíðunni Aldrei.is