Velta á fasteignamarkaði eykst milli ára

246 kaupsamningum var þinglýst á höfuðborgarsvæðinu í síðustu viku, samkvæmt upplýsingum Fasteignamats ríkisins. Til samanburðar var 148 samningum þinglýst á sambærilegum tíma í fyrra. Meðalupphæð hvers samnings nam 29,4 milljónum krónum þá en nemur nú 28 milljónum króna.

Af samningunum nú voru 206 samningar um eignir í fjölbýli, 29 samningar um sérbýli og 11 samningar um annars konar eignir. Heildarveltan nam 6.877 milljónum króna. Á sama tíma í fyrra nam veltan hins vegar 4.354 milljónum króna.

Á sama tíma var 22 kaupsamningum þinglýst á Akureyri, samkvæmt upplýsingum Fasteignamatsins. Þar af voru 8 samningar um eignir í fjölbýli, 11 samningar um sérbýli og 3 samningar um annars konar eignir. Heildarveltan var 414 milljónir króna og meðalupphæð á samning 18,8 milljón króna. Á sambærilegum tíma í fyrra voru samningarnir 14. Heildarveltan þá nam 279 milljónum króna en meðalupphæð á samning var 19,9 milljónir króna.

Þá var 20 kaupsamningum þinglýst á Árborgarsvæðinu í síðustu viku. . Þar af voru 6 samningar um eignir í fjölbýli, 10 samningar um sérbýli og 4 samningar um annars konar eignir. Heildarveltan nam 353 milljónum króna og meðalupphæð á samning 17,7 milljónir króna.