Viðskipti innlent

MP Fjárfestingabanki skilar metafkomu

Styrmir Þór Bragason, framkvæmdastóri MP Fjárfestingarbanka. Hagnaður bankans jókst um 94 prósent á milli ára.
Styrmir Þór Bragason, framkvæmdastóri MP Fjárfestingarbanka. Hagnaður bankans jókst um 94 prósent á milli ára. Mynd/GVA
MP Fjárfestingabanki skilaði methagnaði á fyrstu sex mánuðum arsins. Hagnaður nam 1.118 milljónum króna samanborið við 576,6 milljónir króna á sama tíma í fyrra. Þetta er 94 prósenta aukning á milli ára.

Í hálfsársuppgjöri bankans kemur fram að hreinar vaxtatekjur hafi numið 159 milljónum króna á fyrri hluta árs samanborið við 269 milljóna króna neikvæðar vaxtatekjur á sama tíma í fyrra.

Þá námu þóknanatekjum 821 milljóna króna sem er 50 prósenta aukning á milli ára.

Heildareignir nema rúmum 42,4 milljörðum króna sem er litlu minna en við lok síðasta árs en þá námu þær rúmum 42,8 milljörðum króna. 42.837 m.kr. í lok síðasta árs.

Þá nam eiginfjárhlutfall 24,7 prósentum á fyrri hluta þessa árs samanborið við 19,2 prósent í fyrra.

Í uppgjöri bankans segir að efnahagur bankans hafi nánast staðið í stað frá byrjun árs vegna minnkandi stöðutöku úr hlutabréfum og skuldabréfum.

Uppgjör MP Fjárfestingarbanka

Fréttir Innlent Viðskipti


Mest lesið


Fleiri fréttir

Sjá meira


×

Mest lesið