Lífið er einfalt Dr. Gunni skrifar 13. nóvember 2008 06:00 Ég hef hugsað alltof mikið undarnfarnar vikur. Ég hef satt að segja hugsað mig í spað. Það væri kannski allt í lagi ef ég hefði verið að hugsa um eitthvað skemmtilegt, en svo er nú aldeilis ekki. Hugsanirnar snúast flestar um fjármál, leiðinlegasta umhugsunarefni í heimi. Mánuðum saman var varað við kreppu. Geir brosti bara og gerði ekki neitt. Svo einn mánudaginn fór allt í steik. Þetta þegar Geir bað Guð um að blessa þjóðina var eins og - ef ég smætta íslensku þjóðina niður í sjálfan mig - að fá martraðarkennda símhringingu frá bankanum: Þú skuldar hundrað milljónir í yfirdrátt og nú þurfum við að fella hann niður! Hvað viltu gera? Síðan er liðinn mánuður og ekkert hefur gerst. Sama liðið og talaði í klisjukenndum myndlíkingum um brimskafla og björgunaraðgerðir situr sem fastast, en talar nú um frekan skríl. Það er engin auðmýkt í boði þótt fylgið sé hrunið og þjóðin fái kláðaútbrot um allan líkamann þegar liðið lætur svo lítið að birtast, sjálfumglatt og segjandi ekki neitt. Þarf með valdi að draga þetta lið með buxurnar á hælunum af gullklósettunum? Ég er reiður en nenni ekki að vera reiður endalaust. Lýðheilsustofnun varar við því. Maður verður að trúa því að réttlætið sigri að lokum. Það verður bara að gera það, meira að segja á Íslandi, ormétnasta spillingarbæli í heimi. Ég fer ekki fram á mikið. Bara algjöra uppstokkun á flestum sviðum samfélagsins og ekki síst á hugarfarinu. Að stjórnvöld beri hag „almennings" fyrst og fremst fyrir brjósti, ekki hag elítunnar og sjálfs síns. Ég vil fá að lifa lífinu uppréttur, ala upp börnin mín og komast kannski einu sinni á ári til útlanda án þess að þurfa að strita allan sólarhringinn. Ég vil ekki þurfa að líða eins og ég sé fastur í skuldafangelsi til æviloka. Þrátt fyrir allt er lífið einfalt. Lestu bara jarðálfinn Láka og Palla sem var einn í heiminum. Góðum Láka leið miklu betur en vondum og Palli varð því fegnastur þegar hann uppgötvaði að hann var ekki einn í heiminum. Þótt það væri skemmtilegt í smástund. Við værum ekki í þessum djúpa skít ef fólk hefði almennt tileinkað sér lærdóm Láka og Palla. Viltu birta grein á Vísi? Sendu okkur póst. Senda grein Dr. Gunni Mest lesið Hafa íslenskir neytendur sama rétt og evrópskir? Ásthildur Lóa Þórsdóttir,Ragnar Þór Ingólfsson Skoðun Einelti er dauðans alvara Kolbrún Áslaugar Baldursdóttir Skoðun Engin eftirspurn eftir Viðreisnar- og Samfylkingarmódelinu Andri Steinn Hilmarsson Skoðun Afnám tilfærslu milli skattþrepa Breki Pálsson Skoðun Íslenska þjóð, þú ert núna að gleyma Sighvatur Björgvinsson Skoðun Opið bréf til umhverfis-, orku- og loftslagsráðherra Bogi Ragnarsson Skoðun Það sem Njáll sagði ykkur ekki Inga Lind Karlsdóttir Skoðun Tölum íslensku um bíðandi börn: Uppgjöf, svarthol og lögbrot Vigdís Gunnarsdóttir Skoðun Þegar heilinn sveltur: Tími til að endurhugsa stefnu í geðheilbrigðismálum Vigdís M. Jónsdóttir Skoðun Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun
Ég hef hugsað alltof mikið undarnfarnar vikur. Ég hef satt að segja hugsað mig í spað. Það væri kannski allt í lagi ef ég hefði verið að hugsa um eitthvað skemmtilegt, en svo er nú aldeilis ekki. Hugsanirnar snúast flestar um fjármál, leiðinlegasta umhugsunarefni í heimi. Mánuðum saman var varað við kreppu. Geir brosti bara og gerði ekki neitt. Svo einn mánudaginn fór allt í steik. Þetta þegar Geir bað Guð um að blessa þjóðina var eins og - ef ég smætta íslensku þjóðina niður í sjálfan mig - að fá martraðarkennda símhringingu frá bankanum: Þú skuldar hundrað milljónir í yfirdrátt og nú þurfum við að fella hann niður! Hvað viltu gera? Síðan er liðinn mánuður og ekkert hefur gerst. Sama liðið og talaði í klisjukenndum myndlíkingum um brimskafla og björgunaraðgerðir situr sem fastast, en talar nú um frekan skríl. Það er engin auðmýkt í boði þótt fylgið sé hrunið og þjóðin fái kláðaútbrot um allan líkamann þegar liðið lætur svo lítið að birtast, sjálfumglatt og segjandi ekki neitt. Þarf með valdi að draga þetta lið með buxurnar á hælunum af gullklósettunum? Ég er reiður en nenni ekki að vera reiður endalaust. Lýðheilsustofnun varar við því. Maður verður að trúa því að réttlætið sigri að lokum. Það verður bara að gera það, meira að segja á Íslandi, ormétnasta spillingarbæli í heimi. Ég fer ekki fram á mikið. Bara algjöra uppstokkun á flestum sviðum samfélagsins og ekki síst á hugarfarinu. Að stjórnvöld beri hag „almennings" fyrst og fremst fyrir brjósti, ekki hag elítunnar og sjálfs síns. Ég vil fá að lifa lífinu uppréttur, ala upp börnin mín og komast kannski einu sinni á ári til útlanda án þess að þurfa að strita allan sólarhringinn. Ég vil ekki þurfa að líða eins og ég sé fastur í skuldafangelsi til æviloka. Þrátt fyrir allt er lífið einfalt. Lestu bara jarðálfinn Láka og Palla sem var einn í heiminum. Góðum Láka leið miklu betur en vondum og Palli varð því fegnastur þegar hann uppgötvaði að hann var ekki einn í heiminum. Þótt það væri skemmtilegt í smástund. Við værum ekki í þessum djúpa skít ef fólk hefði almennt tileinkað sér lærdóm Láka og Palla.
Hafa íslenskir neytendur sama rétt og evrópskir? Ásthildur Lóa Þórsdóttir,Ragnar Þór Ingólfsson Skoðun
Þegar heilinn sveltur: Tími til að endurhugsa stefnu í geðheilbrigðismálum Vigdís M. Jónsdóttir Skoðun
Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun
Hafa íslenskir neytendur sama rétt og evrópskir? Ásthildur Lóa Þórsdóttir,Ragnar Þór Ingólfsson Skoðun
Þegar heilinn sveltur: Tími til að endurhugsa stefnu í geðheilbrigðismálum Vigdís M. Jónsdóttir Skoðun
Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun