Safn um Gísla á Uppsölum 30. júlí 2008 06:00 Bær Gísla verður orðinn safn næsta sumar. Ómar Ragnarsson og fleiri í Uppsalafélaginu standa fyrir uppbyggingunni. Ómar Ragnarsson, Árni Johnsen og fleiri vinna að því að halda minningu Gísla á Uppsölum á lofti. Safn um einbúann verður opnað næsta sumar. Einbúinn Gísli á Uppsölum varð landsfrægur eftir að hann birtist í Stiklu-þætti Ómars Ragnarssonar snemma á 9. áratugnum. Gísli, sem lést á gamlársdag 1986 á sjúkrahúsinu á Patreksfirði, er fólki enn í fersku minni og þeir ferðamenn sem leggja leið sína í Selárdalinn fara jafnan að gamla bænum hans og skoða sig um. Nú standa yfir endurbætur á bænum á vegum Uppsalafélagsins sem Ómar Ragnarsson, Árni Johnsen og fleiri standa að. „Það var hörmung að sjá húsið,“ segir Ómar. „En nú er verið að lagfæra heimreiðina að bænum og skipta um bárujárn á þakinu. Svo verður gert við glugga, húsið málað og fleira. Satt að segja er dalurinn allur að vakna til lífsins því bærinn hans Samúels Jónssonar og listaverkin hafa líka verið tekin í gegn.“ Þegar Uppsalafélagið hefur lokið starfi sínu verða Uppsalir orðnir eins konar safn um Gísla. Ómar og félagar hafa ýmsar hugmyndir um safnmunina. „Eftirlíkingu af rúminu hans verður komið fyrir og stórri mynd af karlinum þar sem hann er að spila á orgelið sitt. Orgelið er núna á minjasafninu á Hnjóti og við erum ekkert að eiga við það. Sjónvarpstækið sem Jón Páll færði honum verður þarna líka og í því verður hægt að spila Stikluþáttinn. Þarna verður líka útvarpstæki sem spilar Egil Ólafsson og Berglindi Björk að syngja ljóð eftir Gísla.“ Lagið við ljóðið er eftir Ómar sjálfan. Gestir verða sjálfir safnverðir í þessu nýstárlega safni enda segir Ómar að þeim sé alveg treystandi til að ganga vel um. „Það er talsverður straumur fólks í bæinn eins og hann er núna og það hefur ekki verið neitt vesen. Það ganga allir vel um.“ gunnarh@frettabladid.is Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Ísland með auga fuglsins Lífið Aldrei litið betur út þrátt fyrir alvarlegt slys Lífið Ein lausn er að liggja hlið við hlið og fróa sér Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Eignaðist alvöru pungsa með alvöru pungsa Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira
Ómar Ragnarsson, Árni Johnsen og fleiri vinna að því að halda minningu Gísla á Uppsölum á lofti. Safn um einbúann verður opnað næsta sumar. Einbúinn Gísli á Uppsölum varð landsfrægur eftir að hann birtist í Stiklu-þætti Ómars Ragnarssonar snemma á 9. áratugnum. Gísli, sem lést á gamlársdag 1986 á sjúkrahúsinu á Patreksfirði, er fólki enn í fersku minni og þeir ferðamenn sem leggja leið sína í Selárdalinn fara jafnan að gamla bænum hans og skoða sig um. Nú standa yfir endurbætur á bænum á vegum Uppsalafélagsins sem Ómar Ragnarsson, Árni Johnsen og fleiri standa að. „Það var hörmung að sjá húsið,“ segir Ómar. „En nú er verið að lagfæra heimreiðina að bænum og skipta um bárujárn á þakinu. Svo verður gert við glugga, húsið málað og fleira. Satt að segja er dalurinn allur að vakna til lífsins því bærinn hans Samúels Jónssonar og listaverkin hafa líka verið tekin í gegn.“ Þegar Uppsalafélagið hefur lokið starfi sínu verða Uppsalir orðnir eins konar safn um Gísla. Ómar og félagar hafa ýmsar hugmyndir um safnmunina. „Eftirlíkingu af rúminu hans verður komið fyrir og stórri mynd af karlinum þar sem hann er að spila á orgelið sitt. Orgelið er núna á minjasafninu á Hnjóti og við erum ekkert að eiga við það. Sjónvarpstækið sem Jón Páll færði honum verður þarna líka og í því verður hægt að spila Stikluþáttinn. Þarna verður líka útvarpstæki sem spilar Egil Ólafsson og Berglindi Björk að syngja ljóð eftir Gísla.“ Lagið við ljóðið er eftir Ómar sjálfan. Gestir verða sjálfir safnverðir í þessu nýstárlega safni enda segir Ómar að þeim sé alveg treystandi til að ganga vel um. „Það er talsverður straumur fólks í bæinn eins og hann er núna og það hefur ekki verið neitt vesen. Það ganga allir vel um.“ gunnarh@frettabladid.is
Mest lesið „Það eru komnir þrír mánuðir síðan pabbi minn sá fram á það að geta ekki lifað lengur“ Lífið Janet Jackson biðst afsökunar á undarlegum ummælum Lífið Var talin vera hommi og lögð í einelti Lífið Borðar það sem alltaf hefur verið til og léttist og léttist Lífið „Það er alveg hægt að vinna rifrildið, en þá tapar sambandið“ Makamál Ísland með auga fuglsins Lífið Aldrei litið betur út þrátt fyrir alvarlegt slys Lífið Ein lausn er að liggja hlið við hlið og fróa sér Lífið Ný plata frá Birgi Hákoni: „Ég er ekki lengur þessi gaur nema í tónlistinni“ Lífið Eignaðist alvöru pungsa með alvöru pungsa Lífið Fleiri fréttir Opna fyrstu umboðsstofuna í eigu leikara Baráttan innra með manni eins og ljós og skuggar Bein útsending: Salman Rushdie hlýtur verðlaun Halldórs Laxness Bong Joon Ho verður stafrænn heiðursgestur á RIFF Ævar Þór Benediktsson hlýtur verðlaun Guðrúnar Helgadóttur Ráðinn markaðs- og kynningarstjóri Tónlistarmiðstöðvar Verk Arnhildar og félaga valið framlag Íslands á Feneyjatvíæringnum í arkitektúr Lyfjameðferð við meðvirkni: „Æ, ég væri bara til í að taka eina töflu“ „Mann- og listfjandsamleg þvæla“ Salman Rushdie hlýtur verðlaun Halldórs Laxness Þarf ekkert að þvælast fyrir sjálfri sér „Smá eins og maður sé allsber fyrir framan alþjóð“ Forstöðumaðurinn fannst í Salnum Óður til kvenlíkamans í öllu sínu veldi Óli Egils snýr sér að Ladda eftir Bubba Snæbjörn nýr leikhússtjóri í Tjarnarbíói Sjá meira