Útrýming mannkyns Atli Fannar Bjarkarson skrifar 17. júlí 2010 06:00 Hrikalega fögur vinkona mín sagði um daginn að vinkonur hennar væru í auknu mæli byrjaðar að sækja í yngri karlmenn. Á meðan ég fylgdist agndofa með sagði hún algengt að stelpur sem væru komnar um eða yfir miðjan þrítugsaldurinn skömmuðust sín ekkert fyrir að eiga rétt tæplega tvítuga kærasta og snéru þannig aldagömlum gildum á hvolf - gildum sem hafa viðhaldið lífi á jörðinni frá örófi alda. Fréttirnar komu mér að sjálfsögðu í opna skjöldu og röskuðu einhverju jafnvægi innra með mér. Ég þekki varla annað en að karlmenn eigi einkaleyfi á því að næla sér í yngri maka og finnst framandi að hugsa til þess að 25 ára stelpur láti sjá sig í stúdentsveislum hjá kærustunum sínum sem eru mjóróma og óöruggir eins og aðrir unglingar. Það sló mig einnig að stelpurnar eru miklu yngri en hinar svokölluðu fjallaljónynjur (e.þ. Cougars) sem sitja um miklu yngri menn og veiða þá með hjálp óaðfinnanlegra leðurstígvéla og farsæls ferils í fasteignasölu. Vinkona mín staðfesti semsagt að fjallaljónynjur geta verið miklu yngri en áður var talið. Við nánari eftirgrennslan komst ég að því að þessi nýja kynslóð kallast púmur (e.þ. Puma) eða fjallaljónynjur í þjálfun. Þær leita ekkert sérstaklega langt niður fyrir sig í aldri - kannski fimm til sex ár og sleppa þannig við að vera kallaðar vögguræningjar (e.þ. Craddle robbers) sem er slanguryrði yfir þá eða þær sem leita til miklu yngra fólks í leit að losta og/eða ást - en þó innan ramma laganna. Við skulum vona að Guð hjálpi okkur því þessi þróun gæti leitt til útrýmingar silungsins (e.þ. Trout). Silungur er karlmaður sem sækir í yngri stelpur og hefur viðhaldið lífi á jörðinni frá upphafi. Afleiðingarnar gæti jafnvel orðið alvarlegri, enda á mannkynið allt undir eldgömlum karlgörmum sem áttu í ástarsamböndum við yngri konur. Júlíus Cesar var til dæmis 52 ára þegar hann kynntist hinni 21 árs gömlu Kleópötru um 47 fyrir Krist. Ef Púmur éta karlmannsstofninn upp til agna áður en þeir ná að verða silungar verður ekkert æti eftir fyrir fjallaljónynjurnar. Ef þessari þróun verður ekki snúið við er tortíming mannkyns yfirvofandi. Viltu birta grein á Vísi? Sendu okkur póst. Senda grein Mest lesið Hafa íslenskir neytendur sama rétt og evrópskir? Ásthildur Lóa Þórsdóttir,Ragnar Þór Ingólfsson Skoðun Til þeirra sem fagna Doktornum! Kristján Freyr Halldórsson Skoðun Skuldin við úthverfin Jóhanna Dýrunn Jónsdóttir Skoðun Hringekja verðtryggingar og hárra vaxta Benedikt Gíslason Skoðun Áfram gakk – með kerfisgalla í bakpokanum Harpa Þorsteinsdóttir Skoðun Einelti er dauðans alvara Kolbrún Áslaugar Baldursdóttir Skoðun Málgögn og gervigreind Steinþór Steingrímsson,Einar Freyr Sigurðsson,Helga Hilmisdóttir Skoðun Hefur þú heyrt þetta áður? Stefnir Húni Kristjánsson Skoðun Réttlæti hins sterka. Gildra dómarans Jörgen Ingimar Hansson Skoðun Ávinningur af endurhæfingu – aukum lífsgæðin Ólafur H. Jóhannsson Skoðun
Hrikalega fögur vinkona mín sagði um daginn að vinkonur hennar væru í auknu mæli byrjaðar að sækja í yngri karlmenn. Á meðan ég fylgdist agndofa með sagði hún algengt að stelpur sem væru komnar um eða yfir miðjan þrítugsaldurinn skömmuðust sín ekkert fyrir að eiga rétt tæplega tvítuga kærasta og snéru þannig aldagömlum gildum á hvolf - gildum sem hafa viðhaldið lífi á jörðinni frá örófi alda. Fréttirnar komu mér að sjálfsögðu í opna skjöldu og röskuðu einhverju jafnvægi innra með mér. Ég þekki varla annað en að karlmenn eigi einkaleyfi á því að næla sér í yngri maka og finnst framandi að hugsa til þess að 25 ára stelpur láti sjá sig í stúdentsveislum hjá kærustunum sínum sem eru mjóróma og óöruggir eins og aðrir unglingar. Það sló mig einnig að stelpurnar eru miklu yngri en hinar svokölluðu fjallaljónynjur (e.þ. Cougars) sem sitja um miklu yngri menn og veiða þá með hjálp óaðfinnanlegra leðurstígvéla og farsæls ferils í fasteignasölu. Vinkona mín staðfesti semsagt að fjallaljónynjur geta verið miklu yngri en áður var talið. Við nánari eftirgrennslan komst ég að því að þessi nýja kynslóð kallast púmur (e.þ. Puma) eða fjallaljónynjur í þjálfun. Þær leita ekkert sérstaklega langt niður fyrir sig í aldri - kannski fimm til sex ár og sleppa þannig við að vera kallaðar vögguræningjar (e.þ. Craddle robbers) sem er slanguryrði yfir þá eða þær sem leita til miklu yngra fólks í leit að losta og/eða ást - en þó innan ramma laganna. Við skulum vona að Guð hjálpi okkur því þessi þróun gæti leitt til útrýmingar silungsins (e.þ. Trout). Silungur er karlmaður sem sækir í yngri stelpur og hefur viðhaldið lífi á jörðinni frá upphafi. Afleiðingarnar gæti jafnvel orðið alvarlegri, enda á mannkynið allt undir eldgömlum karlgörmum sem áttu í ástarsamböndum við yngri konur. Júlíus Cesar var til dæmis 52 ára þegar hann kynntist hinni 21 árs gömlu Kleópötru um 47 fyrir Krist. Ef Púmur éta karlmannsstofninn upp til agna áður en þeir ná að verða silungar verður ekkert æti eftir fyrir fjallaljónynjurnar. Ef þessari þróun verður ekki snúið við er tortíming mannkyns yfirvofandi.
Hafa íslenskir neytendur sama rétt og evrópskir? Ásthildur Lóa Þórsdóttir,Ragnar Þór Ingólfsson Skoðun
Hafa íslenskir neytendur sama rétt og evrópskir? Ásthildur Lóa Þórsdóttir,Ragnar Þór Ingólfsson Skoðun