Þjónn! Meira salt, takk Atli Fannar Bjarkason skrifar 7. maí 2010 13:30 Á Congratulations hefur hljómsveitin ekki aðeins skipt um gír, drif og jahh, bíl - heldur er hún farin að keyra aftur á bak, en ekki áfram og beygja til vinstri en ekki hægri. Tónlist *** Congratulations MGMT New York-töffararnir í MGMT slógu hressilega í gegn árið 2008 með plötunni Oracular Spectacular. Kæruleysislegir smellir á borð við Kids og Time to Pretend urðu eftirlæti dansandi gesta á skemmtistöðum víða um heim og textarnir, sem fjölluðu flestir um dóp og kynlíf, klístruðust við heila ótrúlegasta fólks. Á Congratulations hefur hljómsveitin ekki aðeins skipt um gír, drif og jahh, bíl - heldur er hún farin að keyra aftur á bak, en ekki áfram og beygja til vinstri en ekki hægri. Með þessu flókna myndmáli er ég að reyna að segja að MGMT er hætt að semja grípandi lög. Ákvörðunin (ef hún var nokkurn tíma tekin) var vafalaust í óþökk útgáfufyrirtækis félaganna, sem er tæpast að fara að selja lög eins og Flash Delirium, Brian Eno og It's Working í næsta FIFA-tölvuleik - þó að þau séu afar frambærileg. Við erum semsagt komin að kjarna málsins: Miðað við Congratulations virðist MGMT hafa fengið nóg af ofurvinsældunum og því sem þeim fylgja. Í staðinn sendir hljómsveitin frá sér fremur bragðdaufa plötu í anda áttunda áratugarins, stútfulla af tilvísunum í liðna tíma - bæði í textum og tónlist. Útkoman er fín, en ekki frábær - pínlega óeftirminnileg þó að hún haldi meðan á hlustun stendur. Ef Congratulations væri veitingahús hefði maturinn smakkast vel, en saltlaus og þar af leiðandi bragðdaufur. Titillag Congratulations og jafnframt það síðasta endar á daufu klappi, sem virðist vera af skyldurækni. Það er vel við hæfi því standandi fagnaðarlæti hefðu ekki verið viðeigandi. Niðurstaða: Góð plata, en bragðdauf. Heldur á meðan hún er í gangi, en óeftirminnileg þegar henni lýkur. Hér er myndband af því þegar MGMT tók lagið Brian Eno í Saturday Night Live um daginn. Mest lesið Hélt við konu besta vinar síns Lífið Selur íbúð með náttúruparadís í bakgarðinum Lífið Tom Cruise hrasar á síðasta snúning Gagnrýni Heldur sér við efnið og burt frá efnunum Tónlist Einn heppinn vinnur frítt flug í heilt ár með PLAY Lífið samstarf Skjaldborg í átjánda sinn: „Ef maður býr á svona stað og vill eitthvað þá verður maður að hafa fyrir því sjálfur“ Menning Garðar Gunnlaugs og Fanney Sandra flytja á Selfoss Lífið Svona hljómar Himinn og jörð í flutningi Svölu Lífið Bylgjulestin brunar af stað inn í sumarið Lífið samstarf Mátti eiginlega ekki hósta því þá myndi hann kremja hann Lífið Fleiri fréttir Tom Cruise hrasar á síðasta snúning Messan sem var ekki tímamótaverk – en mig langaði samt til að gráta KK og Sinfó: Clint Eastwood mætti í Eldborg Carmina Burana sem maður vill helst gleyma – hvað fór úrskeiðis í Hörpu? Klækir, prettir og kardínálaklíkur í páfakjöri Sjá meira
Tónlist *** Congratulations MGMT New York-töffararnir í MGMT slógu hressilega í gegn árið 2008 með plötunni Oracular Spectacular. Kæruleysislegir smellir á borð við Kids og Time to Pretend urðu eftirlæti dansandi gesta á skemmtistöðum víða um heim og textarnir, sem fjölluðu flestir um dóp og kynlíf, klístruðust við heila ótrúlegasta fólks. Á Congratulations hefur hljómsveitin ekki aðeins skipt um gír, drif og jahh, bíl - heldur er hún farin að keyra aftur á bak, en ekki áfram og beygja til vinstri en ekki hægri. Með þessu flókna myndmáli er ég að reyna að segja að MGMT er hætt að semja grípandi lög. Ákvörðunin (ef hún var nokkurn tíma tekin) var vafalaust í óþökk útgáfufyrirtækis félaganna, sem er tæpast að fara að selja lög eins og Flash Delirium, Brian Eno og It's Working í næsta FIFA-tölvuleik - þó að þau séu afar frambærileg. Við erum semsagt komin að kjarna málsins: Miðað við Congratulations virðist MGMT hafa fengið nóg af ofurvinsældunum og því sem þeim fylgja. Í staðinn sendir hljómsveitin frá sér fremur bragðdaufa plötu í anda áttunda áratugarins, stútfulla af tilvísunum í liðna tíma - bæði í textum og tónlist. Útkoman er fín, en ekki frábær - pínlega óeftirminnileg þó að hún haldi meðan á hlustun stendur. Ef Congratulations væri veitingahús hefði maturinn smakkast vel, en saltlaus og þar af leiðandi bragðdaufur. Titillag Congratulations og jafnframt það síðasta endar á daufu klappi, sem virðist vera af skyldurækni. Það er vel við hæfi því standandi fagnaðarlæti hefðu ekki verið viðeigandi. Niðurstaða: Góð plata, en bragðdauf. Heldur á meðan hún er í gangi, en óeftirminnileg þegar henni lýkur. Hér er myndband af því þegar MGMT tók lagið Brian Eno í Saturday Night Live um daginn.
Mest lesið Hélt við konu besta vinar síns Lífið Selur íbúð með náttúruparadís í bakgarðinum Lífið Tom Cruise hrasar á síðasta snúning Gagnrýni Heldur sér við efnið og burt frá efnunum Tónlist Einn heppinn vinnur frítt flug í heilt ár með PLAY Lífið samstarf Skjaldborg í átjánda sinn: „Ef maður býr á svona stað og vill eitthvað þá verður maður að hafa fyrir því sjálfur“ Menning Garðar Gunnlaugs og Fanney Sandra flytja á Selfoss Lífið Svona hljómar Himinn og jörð í flutningi Svölu Lífið Bylgjulestin brunar af stað inn í sumarið Lífið samstarf Mátti eiginlega ekki hósta því þá myndi hann kremja hann Lífið Fleiri fréttir Tom Cruise hrasar á síðasta snúning Messan sem var ekki tímamótaverk – en mig langaði samt til að gráta KK og Sinfó: Clint Eastwood mætti í Eldborg Carmina Burana sem maður vill helst gleyma – hvað fór úrskeiðis í Hörpu? Klækir, prettir og kardínálaklíkur í páfakjöri Sjá meira
Skjaldborg í átjánda sinn: „Ef maður býr á svona stað og vill eitthvað þá verður maður að hafa fyrir því sjálfur“ Menning
Skjaldborg í átjánda sinn: „Ef maður býr á svona stað og vill eitthvað þá verður maður að hafa fyrir því sjálfur“ Menning