Ó Akureyri Brynhildur Björnsdóttir skrifar 30. júlí 2010 10:00 Þegar vinir mínir mæra erlendar stórborgir lygni ég aftur augunum og hugsa um borgina í norðri sem ég vissi alltaf af en kynntist ekki fyrr en á fullorðinsárum, borgina sem fyrir mér hefur flest það til að bera sem góð útlönd getur prýtt. Á Akureyri er gaman að versla, þar er til dæmis uppáhaldsskóbúðin mín sem hefur kætt og skætt alla fjölskylduna árum saman, tískubúðir með annan varning en fæst á minni heimaslóð og síst dýrari, frábær bókabúð með miklu úrvali af bókum, blöðum og dóti fyrir alla og dásamleg forngripaverslun, full af sögu og fjársjóðum. Og ekki má gleyma lífsstilsversluninni Sirku sem er skylda að heimsækja að minnsta kosti einu sinni í hverri ferð. Á Akureyri er hægt að fara á alls konar tónleika oft í viku á sumrin og svo er hægt að labba niður Listagilið og kíkja á spennandi listsýningar og söfn. Um allan miðbæinn er lika fullt af litlum galleríum og hönnunarverkstæðum sem gaman er að skoða. Á Akureyri eru skemmtileg kaffihús með góðu kaffi og stemmingu (Bláa kannan, einhver?), bestu pítsur landsins á Greifanum og fortíðarþráin á Bautanum. Það er líka hægt að sökkva sér í matarmenningu innfæddra og rúnta í Leiru- eða Gellunestið og fá sér hamborgara með frönskum á milli eða kók í gleri og eina með öllu (og mest rauðkáli) eða dýfa tungu í hinn fræga Brynjuís sem ekki öllum finnst góður en er samt þess virði að smakka til að vera með í umræðunni. Á Akureyri er gaman að vera með börn. Frábær sundlaug með buslupolli og alls konar skemmtilegum rennibrautum og þar beint fyrir ofan leikvöllur með trampólíni og hoppikastala, mínígolfi og rafmagnsbílum. Á akureyrskum róluvöllum (sem finnast víða) eru skemmtileg leiktæki og mjúkar gúmmíhellur í kringum rennibrautir og rólur svo það er ekkert vont að detta. Það er ekkert nauðsynlegt að vera á bíl en fyrir þá sem svo eru búnir má benda á Kjarnaskóg, Jólahúsið, Smámunasafnið, Safnasafnið og sundlaugina á Hrafnagili. Og svo er Akureyri falleg, hvort heldur staðið er uppi í brekku og horft yfir landslagið eða göturnar með gömlu húsunum þræddar. Innbærinn, Lystigarðurinn... er ég að gleyma einhverju? Já, fjölmörgu. Fyrir nú utan allt sem ég á eftir að uppgötva. Og svo er alltaf gott veður. Þannig að þið megið eiga ykkar útlönd fyrir mér: Akureyri er mín sumarleyfisparadís. Viltu birta grein á Vísi? Sendu okkur póst. Senda grein Brynhildur Björnsdóttir Mest lesið Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun Mótum framtíðina saman Jónína Hauksdóttir ,Magnús Þór Jónsson Skoðun Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun Íslenskir flóttamenn - í okkar eigin landi Gunnar Magnús Diego Skoðun Magga Stína! Helga Völundardóttir Skoðun Slæm innivist skerðir afköst og hækkar kostnað Ingibjörg Magnúsdóttir Skoðun 752 dánir vegna geðheilsuvanda – enginn vegna fjölþáttaógnar Grímur Atlason Skoðun Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun Vísindi, hugvit og seigla – hugsum stórt og svo stærra! Sandra Mjöll Jónsdóttir-Buch Skoðun
Þegar vinir mínir mæra erlendar stórborgir lygni ég aftur augunum og hugsa um borgina í norðri sem ég vissi alltaf af en kynntist ekki fyrr en á fullorðinsárum, borgina sem fyrir mér hefur flest það til að bera sem góð útlönd getur prýtt. Á Akureyri er gaman að versla, þar er til dæmis uppáhaldsskóbúðin mín sem hefur kætt og skætt alla fjölskylduna árum saman, tískubúðir með annan varning en fæst á minni heimaslóð og síst dýrari, frábær bókabúð með miklu úrvali af bókum, blöðum og dóti fyrir alla og dásamleg forngripaverslun, full af sögu og fjársjóðum. Og ekki má gleyma lífsstilsversluninni Sirku sem er skylda að heimsækja að minnsta kosti einu sinni í hverri ferð. Á Akureyri er hægt að fara á alls konar tónleika oft í viku á sumrin og svo er hægt að labba niður Listagilið og kíkja á spennandi listsýningar og söfn. Um allan miðbæinn er lika fullt af litlum galleríum og hönnunarverkstæðum sem gaman er að skoða. Á Akureyri eru skemmtileg kaffihús með góðu kaffi og stemmingu (Bláa kannan, einhver?), bestu pítsur landsins á Greifanum og fortíðarþráin á Bautanum. Það er líka hægt að sökkva sér í matarmenningu innfæddra og rúnta í Leiru- eða Gellunestið og fá sér hamborgara með frönskum á milli eða kók í gleri og eina með öllu (og mest rauðkáli) eða dýfa tungu í hinn fræga Brynjuís sem ekki öllum finnst góður en er samt þess virði að smakka til að vera með í umræðunni. Á Akureyri er gaman að vera með börn. Frábær sundlaug með buslupolli og alls konar skemmtilegum rennibrautum og þar beint fyrir ofan leikvöllur með trampólíni og hoppikastala, mínígolfi og rafmagnsbílum. Á akureyrskum róluvöllum (sem finnast víða) eru skemmtileg leiktæki og mjúkar gúmmíhellur í kringum rennibrautir og rólur svo það er ekkert vont að detta. Það er ekkert nauðsynlegt að vera á bíl en fyrir þá sem svo eru búnir má benda á Kjarnaskóg, Jólahúsið, Smámunasafnið, Safnasafnið og sundlaugina á Hrafnagili. Og svo er Akureyri falleg, hvort heldur staðið er uppi í brekku og horft yfir landslagið eða göturnar með gömlu húsunum þræddar. Innbærinn, Lystigarðurinn... er ég að gleyma einhverju? Já, fjölmörgu. Fyrir nú utan allt sem ég á eftir að uppgötva. Og svo er alltaf gott veður. Þannig að þið megið eiga ykkar útlönd fyrir mér: Akureyri er mín sumarleyfisparadís.
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun
Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun
Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun
Ísrael á ekki heima á gleðileikum evrópskra sjónvarpsstöðva sem starfa í almannaþágu Stefán Jón Hafstein Skoðun
Eru vegir fyrir ferðamenn mikilvægari en vegir fyrir fólk sem býr hér? Petrína Þórunn Jónsdóttir Skoðun
Samræmd nálgun að öryggi og skilvirkni á ytri landamærum - Innleiðing EES á Íslandi Arngrímur Guðmundsson Skoðun
Er Evrópa á villigötum? Efnahagsleg hnignun kallar á róttæka endurskoðun Eggert Sigurbergsson Skoðun