Atli Bergmann í Hraunsfirði

Veiðivísir fékk tölvupóst frá Atla Bergmann sem gerði feikigóða veiðidaga í Elliðaánum og svo í Hraunsfirði fyrir fáum dögum.  Það verður að segjast að það voru með bestu fréttum vikunnar að heyra af bleikjum úr Hraunsfirðinum og það eru nokkrir vinir Veiðivísis spenntir fyrir því að renna þangað um helgina ef það rætist eitthvað úr veðrinu, þ.e.a.s. að spáin verði ekki jafn slæm og útlit er fyrir.

Atli dettur hér með í pottinn hjá okkur fyrir innsendar veiðifréttir og við minnum ykkur hina veiðimennina á að vera duglegir að senda okkur myndir og fréttir því við drögum út veiðileyfi í hverjum mánuði úr innsendum fréttum og við jafnvel bætum við vinningum eftir því sem þáttakan eykst.

Við vonum að sem flestir komist til veiða um helgina og við óskum ykkur góðrar skemmtunar við bakkana.