Laxá í Aðaldal draumaá veiðimanna

Á vefnum Flugur.is er í morgun birt niðurstaða skoðunarkönnunar um drauma veiðiá stangaveiðimanna. Á fimmta hundrað veiðimanna tóku þátt.

Laxá í Aðaldal bar höfuð og herðar yfir aðrar í könnuninni, en 16.6% þeirra sem tóku þátt í könnuninni nefndu Laxá sem draum veiðimannsins. Í öðru sæti kom Selá í Vopnafirði og í því þriðja Miðfjarðará í Húnavatnssýslu.

Athyglisvert er að aðeins tæp 62% þeirra sem svöruðu hafa veitt í draumaánni sinni - en auðvitað er það bara jákvætt því hin 38% hafa þá eitthvað til að láta sig hlakka til,

Þess má geta að þeir sem vilja skoða veiðimöguleika í Aðaldalnum næsta sumar ættu að líta í vefsöluna okkar. Enn er hægt að festa sér veiðileyfi á svæðunum kennd við Tjörn og Árbót, auk þess sem að tvær júlístangir eru á lausu á Nesveiðum.

Hér má sjá frétt flugur.is