Ytri Rangá endaði í 10 löxum á opnunardaginn

Ytri Rangá opnaði í gær og komu 10 laxar á land víðsvegar um ána. Ægissíðufoss (ásamt Klöpp) var að venju sterkur og einnig Djúpós en þrír laxar komu upp af Rngárflúðunum og við munum hreinlega ekki eftir því að svo margir laxar hafi veiðst fyrir ofan foss í opnun.

Einnig voru menn að setja í nokkra og missa og jafnframt komu 10 silungar upp – sá stærsti losaði 10 pund. Eins og oftast áður þurfti að hafa dálítið fyrir veiddum löxum, en engu aðsíður var ekki neinn æsingur á bakkanum, menn nutu þess einfaldlega að vera við veiðar í uppáhaldsánni sinni.