Góð urriðaveiði fyrir norðan

Það hefur verið líflegt á urriðasvæðunum eftir að sumarið gekk í garð nyrðra. Þurrfluguveiðimenn eru komnir á stjá í kjölfar hlýindanna síðustu daga.

Að sögn BJarna Höskuldssonar eru veiðimenn í Laxárdal búnir að draga fram þurrflugurnar. Sem dæmi þá veiddi einn og sami veiðimaðurinn fimm þurrflugufiska um leið og hlýnaði á sunnudagsmorgun. Voru það allt fiskar yfir fimm pundum. Líklegt má telja að sá hafi upplifað drauma veiðitúrinn, því um var að ræða sama mann og veiddi 80cm urriða í Geirastaðaskurði í Mývatnssveit tveimur dögum áður.

Birt með góðfúslegu leyfi SVFR