Körfubolti

Magnús gaf áhorfendum snakkpoka - myndir

Eiríkur Stefán Ásgeirsson skrifar
Mynd/Víkurfréttir/Hilmar Bragi
Magnús Þór Gunnarsson og félagar í körfuboltaliði Keflavíkur gáfu áhorfendum á leik sínum gegn Hamri í gær Lay's snakkpoka eins og til stóð.

Forsaga málsins er sú að Vísir sagði frá því í síðustu viku að Magnús hefði gætt sér á snakki í leik KR og Keflavíkur. Ástæðan var sú að hann skorti salt eftir að hafa farið í maga- og ristilsspeglun fyrr um daginn.

Ölgerðin tók sig til og sendi Magnúsi kassa með Lay's snakki sem áhorfendur mauluðu á á meðan leiknum stóð í gær.

Hilmar Bragi Bárðarson á Víkurfréttum tók myndir af öllu saman sem má sjá á vef Körfunnar.is, hér.


Tengdar fréttir

Magnús gefur 80 snakkpoka í kvöld

Magnús Þór Gunnarsson, leikmaður Keflavíkur í körfubolta, mun í kvöld deila út 80 snakkpokum til áhorfenda á leik sinna manna gegn Hamri í Lengjubikar karla.




Fleiri fréttir

Sjá meira


×