Beint úr eldhúsinu 4. mars 2012 10:00 Jakob Mielcke, einn af erlendu kokkunum sem taka þátt í Food and Fun-hátíðinni, að störfum í eldhúsinu.mynd/sigurjón ragnar Þrír erlendir kokkar keppa í dag í Hörpu um titilinn kokkur ársins á hátíðinni Food and Fun. Þeir munu athafna sig í eldhúsi Hörpudisksins og keppnin verður sýnd beint á sjónvarpsskjáum sem verða í höllinni. „Þetta er nýbreytni í anda sjónvarpsþáttanna sem eru í gangi. Þetta er svona Gordon Ramsay-fílingur," segir Jón Haukur Baldvinsson hjá Food and Fun. Kokkarnir munu elda forrétt, lamb og bleikju en koma með eftirrétt með sér. Þrír dómarar munu sitja við borð og dæma matinn sem þeir elda. „Fólk getur fylgst með þeim á meðan þeir eru að smakka og getur kynnst hvernig þeir dæma," segir Jón Haukur. Spurður hvort mikið verði um öskur og læti líkt og í sjónvarpsþáttum Ramsay efast hann um það. „Þetta er ekki sá stíll. Þeir eru það frægir, nánast allir Michelin-kokkar. Þeir eru á sama kaliberi og Gordon, þannig að það verður enginn Gordon að öskra á þá. Það fer frekar að þeir öskri á Gordon." Sautján veitingastaðir taka þátt í Food and Fun, sem er haldin í ellefta sinn og lýkur á morgun. Að sögn Jóns Hauks hafa bókanir sjaldan verið jafn margar og núna. Hann segir öruggt að hátíðin verði haldin til 2014 enda var nýlega gerður tveggja ára samningur við Samtök iðnaðarins, Icelandair og Reykjavíkurborg. Iceland Naturally er einnig stór styrktaraðili hátíðarinnar. Keppnin í dag hefst klukkan 12 og stendur yfir til 15 og eru allir boðnir velkomnir í Hörpuna að fylgjast með.- fb Food and Fun Mest lesið „Einhvern tímann verðurðu að leyfa barninu þínu að flytja að heiman“ Lífið Flottar flíkur og fylgihlutir fyrir haustið Lífið Svona heppnaðist hárígræðslan hjá Baldri og Einari Lífið Smashing Pumpkins pumpuðu upp stemningu – en listin varð undir hávaðanum Gagnrýni „Þetta var eins og Atlantis sem sökk“ Lífið Jón Ólafs og Hildur Vala keyptu í Vesturbænum Lífið Leggst undir hnífinn vegna brjóstakrabbameins og frestar túrnum Lífið Fjölgar í fjölskyldu Maríu Birtu og Ella Lífið Er hárið skemmt eða bara þurrt? Lífið samstarf Taka fyrir sambönd flugfreyja og flugmanna út frá sögum úr bransanum Lífið Fleiri fréttir Ungt fólk setur vínbændur í erfiða stöðu Sjá meira
Þrír erlendir kokkar keppa í dag í Hörpu um titilinn kokkur ársins á hátíðinni Food and Fun. Þeir munu athafna sig í eldhúsi Hörpudisksins og keppnin verður sýnd beint á sjónvarpsskjáum sem verða í höllinni. „Þetta er nýbreytni í anda sjónvarpsþáttanna sem eru í gangi. Þetta er svona Gordon Ramsay-fílingur," segir Jón Haukur Baldvinsson hjá Food and Fun. Kokkarnir munu elda forrétt, lamb og bleikju en koma með eftirrétt með sér. Þrír dómarar munu sitja við borð og dæma matinn sem þeir elda. „Fólk getur fylgst með þeim á meðan þeir eru að smakka og getur kynnst hvernig þeir dæma," segir Jón Haukur. Spurður hvort mikið verði um öskur og læti líkt og í sjónvarpsþáttum Ramsay efast hann um það. „Þetta er ekki sá stíll. Þeir eru það frægir, nánast allir Michelin-kokkar. Þeir eru á sama kaliberi og Gordon, þannig að það verður enginn Gordon að öskra á þá. Það fer frekar að þeir öskri á Gordon." Sautján veitingastaðir taka þátt í Food and Fun, sem er haldin í ellefta sinn og lýkur á morgun. Að sögn Jóns Hauks hafa bókanir sjaldan verið jafn margar og núna. Hann segir öruggt að hátíðin verði haldin til 2014 enda var nýlega gerður tveggja ára samningur við Samtök iðnaðarins, Icelandair og Reykjavíkurborg. Iceland Naturally er einnig stór styrktaraðili hátíðarinnar. Keppnin í dag hefst klukkan 12 og stendur yfir til 15 og eru allir boðnir velkomnir í Hörpuna að fylgjast með.- fb
Food and Fun Mest lesið „Einhvern tímann verðurðu að leyfa barninu þínu að flytja að heiman“ Lífið Flottar flíkur og fylgihlutir fyrir haustið Lífið Svona heppnaðist hárígræðslan hjá Baldri og Einari Lífið Smashing Pumpkins pumpuðu upp stemningu – en listin varð undir hávaðanum Gagnrýni „Þetta var eins og Atlantis sem sökk“ Lífið Jón Ólafs og Hildur Vala keyptu í Vesturbænum Lífið Leggst undir hnífinn vegna brjóstakrabbameins og frestar túrnum Lífið Fjölgar í fjölskyldu Maríu Birtu og Ella Lífið Er hárið skemmt eða bara þurrt? Lífið samstarf Taka fyrir sambönd flugfreyja og flugmanna út frá sögum úr bransanum Lífið Fleiri fréttir Ungt fólk setur vínbændur í erfiða stöðu Sjá meira