Björk hittir Áhöfnina á Halastjörnunni Trausti Júlíusson skrifar 2. apríl 2012 17:00 Tónlist. Songs From the Top of the World. Hot Eskimos. Hot Eskimos er djasstríó skipað Karli Olgeirssyni píanóleikara, Jóni Rafnssyni kontrabassaleikara og Kristni Snæ Agnarssyni trommuleikara. Songs From The Top Of The World hefur að geyma þrettán íslensk dægurlög útsett fyrir píanótríó. Lögin koma úr ýmsum áttum. Þarna er bæði Ammæli Sykurmolanna, Rúdolf Þeysara, Can't walk away Herberts Guðmundssonar og Is it true? sem Jóhanna Guðrún söng í Eurovision. Það er ekkert nýtt að taka dægurlög og djassa þau upp. Annað píanótríó, The Bad Plus, kemur strax upp í hugann, en meðlimir þess hafa gert út á þetta með góðum árangri síðasta áratuginn; tekið allt frá Abba og David Bowie til Aphex Twin og Interpol. Songs From The Top Of The World er að mörgu leyti mjög vel heppnuð plata. Útsetningarnar eru ágætar, hvort sem við tölum um Army of me, Rúdolf, Þú komst við hjartað í mér, Fjöllin hafa vakað eða Stolt siglir fleyið mitt. Það hefði kannski mátt setja aðeins meiri trylling í þær sumar, en þetta er samt vel gert. Það besta við plötuna er lagavalið; Björk, Jóhanna Guðrún, Þeyr, Jónsi og Áhöfnin á Halastjörnunni eru allt í einu komin á alveg sama staðinn og manni finnst það ekkert skrítið! Eins og nafnið á hljómsveitinni og plötunni gefur til kynna er Songs From The Top Of The World svolítið stíluð inn á erlenda ferðamenn. Íslendingar ættu samt ekki að láta það styggja sig. Þessi plata er ekkert síður fyrir þá. Niðurstaða: Karl Olgeirs, Jón Rafns og Kristinn Snær djassa upp íslensk popplög úr ólíkum áttum. Mest lesið Hljóp annað maraþon á tánum og minntist Bríetar Irmu Lífið Helgi í Góu minnist Pattýjar og ljóstrar upp um fjölskylduleyndarmál Lífið Sagði nei takk við Durex en já við Netflix Lífið Hárprúður Eiður heillar Lífið Stjörnulífið: „Hógværasti maður á jörðinni“ Lífið Lára og lyfjaprinsinn gáfu dótturinni nafn Lífið Afmælisdagurinn bara „venjulegur dagur“ og á ekki von á gjöfum Lífið „Tárast yfirleitt einu sinni á dag“ Lífið Fékk líflátshótanir í kjölfar ummæla um óbólusetta Lífið Frosti og Helga Gabríela flytja innan hverfis Lífið Fleiri fréttir Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira
Tónlist. Songs From the Top of the World. Hot Eskimos. Hot Eskimos er djasstríó skipað Karli Olgeirssyni píanóleikara, Jóni Rafnssyni kontrabassaleikara og Kristni Snæ Agnarssyni trommuleikara. Songs From The Top Of The World hefur að geyma þrettán íslensk dægurlög útsett fyrir píanótríó. Lögin koma úr ýmsum áttum. Þarna er bæði Ammæli Sykurmolanna, Rúdolf Þeysara, Can't walk away Herberts Guðmundssonar og Is it true? sem Jóhanna Guðrún söng í Eurovision. Það er ekkert nýtt að taka dægurlög og djassa þau upp. Annað píanótríó, The Bad Plus, kemur strax upp í hugann, en meðlimir þess hafa gert út á þetta með góðum árangri síðasta áratuginn; tekið allt frá Abba og David Bowie til Aphex Twin og Interpol. Songs From The Top Of The World er að mörgu leyti mjög vel heppnuð plata. Útsetningarnar eru ágætar, hvort sem við tölum um Army of me, Rúdolf, Þú komst við hjartað í mér, Fjöllin hafa vakað eða Stolt siglir fleyið mitt. Það hefði kannski mátt setja aðeins meiri trylling í þær sumar, en þetta er samt vel gert. Það besta við plötuna er lagavalið; Björk, Jóhanna Guðrún, Þeyr, Jónsi og Áhöfnin á Halastjörnunni eru allt í einu komin á alveg sama staðinn og manni finnst það ekkert skrítið! Eins og nafnið á hljómsveitinni og plötunni gefur til kynna er Songs From The Top Of The World svolítið stíluð inn á erlenda ferðamenn. Íslendingar ættu samt ekki að láta það styggja sig. Þessi plata er ekkert síður fyrir þá. Niðurstaða: Karl Olgeirs, Jón Rafns og Kristinn Snær djassa upp íslensk popplög úr ólíkum áttum.
Mest lesið Hljóp annað maraþon á tánum og minntist Bríetar Irmu Lífið Helgi í Góu minnist Pattýjar og ljóstrar upp um fjölskylduleyndarmál Lífið Sagði nei takk við Durex en já við Netflix Lífið Hárprúður Eiður heillar Lífið Stjörnulífið: „Hógværasti maður á jörðinni“ Lífið Lára og lyfjaprinsinn gáfu dótturinni nafn Lífið Afmælisdagurinn bara „venjulegur dagur“ og á ekki von á gjöfum Lífið „Tárast yfirleitt einu sinni á dag“ Lífið Fékk líflátshótanir í kjölfar ummæla um óbólusetta Lífið Frosti og Helga Gabríela flytja innan hverfis Lífið Fleiri fréttir Þú heyrðir rétt: klassík getur verið skemmtileg Smashing Pumpkins pumpuðu upp stemningu – en listin varð undir hávaðanum Kynferðisleg gremja, sænskur senuþjófur og náttúruklám Ræðst framtíð grínmyndarinnar hér? Aumkunarverð endurvinnsla og ferskt framhald Áferðarfallegir en óeftirminnilegir fjórmenningar Sjá meira