Lækhóran - listin að höfða til allra Bergsteinn Sigurðsson skrifar 1. desember 2012 08:00 Lækhóran I Eineltisseggurinn Egill "Gillzenegger" Einarsson er þekktur fyrir framlag sitt til klámvæðingar, staðalímynda og botnlausrar kvenfyrirlitningar. "Grín" hans endurspeglar fasíska lífssýn þar sem þeir sem eru "öðruvísi" eru álitnir úrhrök. Þeir sem andæfa fá að finna fyrir því. Um það vitnar bloggfærsla þar sem Egill hótaði að láta nauðga fjórum nafngreindum femínistum sem höfðu gagnrýnt hann. Í ljósi forsögunnar þurfti því ekki að koma á óvart þegar Egill var kærður fyrir nauðgun í fyrra. Það var í raun aðeins tímaspursmál. Eftir mikið volk í kerfinu var ákveðið að gefa út ekki ákæru í málinu. Það þýðir hins vegar ekki að hann sé saklaus , einungis að ekki þóttu nógu miklar líkur á því að ákæra myndi leiða til sakfellingar. Þetta mál telst því óupplýst. Og enn finnst Agli hann eiga erindi upp á dekk og fjölmiðlar spila með. Á dögunum var hann í drottningarviðtali hjá vinsælu unglingablaði og hélt þar áfram að drulla yfir femínista og aðra sem hafa vogað sér að gagnrýna hann, enda ganga hugmyndir hans um tjáningarfrelsi aðeins í eina átt. Egill er óforbetranlegur mannhatari og ekki bara slæm fyrirmynd fyrir óharnaða unglinga heldur beinlínis hættuleg. Það er ekki lengur hægt að líða að svona öfl skáki í skjóli tjáningarfrelsisins og misnoti það til að breiða út mannfyrirlitningu sína. Það er löngu orðið tímabært að spyrna fæti við þessari hrollvekjandi helstefnu. Lækhóran II Skemmtikrafturinn Egill Einarsson hefur undanfarið ár verið fórnarlamb einhverra svívirðilegustu ofsókna sem átt hafa sér stað hér á landi. Femínistar, eða ætti maður kannski að segja femínasistar, hafa fellt grímuna og heimta blóð. Ekki fer á milli mála að þar leikur sært stolt lykilhlutverk. Í gervi alteregósins Gillzenegger hefur Egill á liðnum misserum dregið þessa öfgasellu sundur og saman í póstmódernísku háði í anda Hugleiks Dagssonar. Egill hefur vissulega misstigið sig í gegnum tíðina, til dæmis í gamalli bloggfærslu þar sem gálgahúmorinn fór yfir strikið. Það er til marks um heiftina að þrátt fyrir að hafa fjarlægt umrædda færslu og beðist ítrekað afsökunar nota femínistar hvert tækifæri til að rifja hana upp og núa honum henni um nasir. Í ljósi þessa þurfa viðbrögðin við því þegar stúlka kærði Egil fyrir nauðgun ekki að koma á óvart. Heykvíslalýðurinn hafði þar fengið staðfestingu fyrir sannfæringu sinni. Skiptir þá engu máli að þrátt fyrir að hafa rannsakað málið í drep sá saksóknari ekki fót fyrir ákæru. Femínistar linna ekki látum fyrr en maðurinn hefur verið svo gott sem hrakinn úr mannlegu samfélagi. Það er ekki lengur hægt að líða að svona öfl skáki í skjóli réttlætiskenndar sinnar og grafi undan tjáningarfrelsinu. Það er löngu orðið tímabært að spyrna fæti við þessari hrollvekjandi helstefnu. Viltu birta grein á Vísi? Sendu okkur póst. Senda grein Bergsteinn Sigurðsson Mest lesið Evrópusambandið eykur varnir gegn netógnum með öflugu regluverki Þórdís Rafnsdóttir Skoðun Á hvaða ári er Inga Sæland stödd? Snorri Másson Skoðun Draugagangur í Alaska Hannes Pétursson Skoðun Stækkun Þjóðleikhússins er löngu tímabær Lilja Björk Haraldsdóttir Skoðun 76 dagar Erlingur Sigvaldason Skoðun Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun Háskólaþorpið Bifröst og fólkið sem gleymdist Margrét Jónsdóttir Njarðvík Skoðun Körfubolti á tímum þjóðarmorðs Bjarni Þór Sigurbjörnsson Skoðun Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun Ný sókn í menntamálum – tækifæri eða hliðarskref? Ingibjörg Isaksen Skoðun
Lækhóran I Eineltisseggurinn Egill "Gillzenegger" Einarsson er þekktur fyrir framlag sitt til klámvæðingar, staðalímynda og botnlausrar kvenfyrirlitningar. "Grín" hans endurspeglar fasíska lífssýn þar sem þeir sem eru "öðruvísi" eru álitnir úrhrök. Þeir sem andæfa fá að finna fyrir því. Um það vitnar bloggfærsla þar sem Egill hótaði að láta nauðga fjórum nafngreindum femínistum sem höfðu gagnrýnt hann. Í ljósi forsögunnar þurfti því ekki að koma á óvart þegar Egill var kærður fyrir nauðgun í fyrra. Það var í raun aðeins tímaspursmál. Eftir mikið volk í kerfinu var ákveðið að gefa út ekki ákæru í málinu. Það þýðir hins vegar ekki að hann sé saklaus , einungis að ekki þóttu nógu miklar líkur á því að ákæra myndi leiða til sakfellingar. Þetta mál telst því óupplýst. Og enn finnst Agli hann eiga erindi upp á dekk og fjölmiðlar spila með. Á dögunum var hann í drottningarviðtali hjá vinsælu unglingablaði og hélt þar áfram að drulla yfir femínista og aðra sem hafa vogað sér að gagnrýna hann, enda ganga hugmyndir hans um tjáningarfrelsi aðeins í eina átt. Egill er óforbetranlegur mannhatari og ekki bara slæm fyrirmynd fyrir óharnaða unglinga heldur beinlínis hættuleg. Það er ekki lengur hægt að líða að svona öfl skáki í skjóli tjáningarfrelsisins og misnoti það til að breiða út mannfyrirlitningu sína. Það er löngu orðið tímabært að spyrna fæti við þessari hrollvekjandi helstefnu. Lækhóran II Skemmtikrafturinn Egill Einarsson hefur undanfarið ár verið fórnarlamb einhverra svívirðilegustu ofsókna sem átt hafa sér stað hér á landi. Femínistar, eða ætti maður kannski að segja femínasistar, hafa fellt grímuna og heimta blóð. Ekki fer á milli mála að þar leikur sært stolt lykilhlutverk. Í gervi alteregósins Gillzenegger hefur Egill á liðnum misserum dregið þessa öfgasellu sundur og saman í póstmódernísku háði í anda Hugleiks Dagssonar. Egill hefur vissulega misstigið sig í gegnum tíðina, til dæmis í gamalli bloggfærslu þar sem gálgahúmorinn fór yfir strikið. Það er til marks um heiftina að þrátt fyrir að hafa fjarlægt umrædda færslu og beðist ítrekað afsökunar nota femínistar hvert tækifæri til að rifja hana upp og núa honum henni um nasir. Í ljósi þessa þurfa viðbrögðin við því þegar stúlka kærði Egil fyrir nauðgun ekki að koma á óvart. Heykvíslalýðurinn hafði þar fengið staðfestingu fyrir sannfæringu sinni. Skiptir þá engu máli að þrátt fyrir að hafa rannsakað málið í drep sá saksóknari ekki fót fyrir ákæru. Femínistar linna ekki látum fyrr en maðurinn hefur verið svo gott sem hrakinn úr mannlegu samfélagi. Það er ekki lengur hægt að líða að svona öfl skáki í skjóli réttlætiskenndar sinnar og grafi undan tjáningarfrelsinu. Það er löngu orðið tímabært að spyrna fæti við þessari hrollvekjandi helstefnu.
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun
Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun
Ákall til KKÍ og íslensku íþróttahreyfingarinnar Ragnhildur Hólmgeirsdóttir,Oddný Björg Rafnsdóttir,Svanhildur Anja Ástþórsdóttir,Guðjón Magnússon,Margrét Rut Eddudóttir Skoðun
Loftslagsverkfræði: Verkefni sem borgar sig ekki að láta bíða Snjólaug Árnadóttir,Páll Gunnarsson Skoðun