Fengu samtals 20 ár í fangelsi 21. desember 2012 06:00 Fjölskipaður Héraðsdómur Reykjaness kvað í gær upp dóm yfir tíu mönnum vegna hrottafenginna líkamsárása. Fangelsisrefsing þeirra nemur í heild 20 árum og þremur mánuðum. Þyngstu dómana hlutu Annþór Kristján Karlsson, sjö ár, og Börkur Birgisson, sex ár. Aðrir sakborningar fengu eins og hálfs til tveggja ára dóm, utan eins sem fékk fimmtán mánaða dóm sem bundinn er skilorði. Annþór og Börkur, sem hafa verið duglegir að sækja öll þinghöld í málinu frá því á rannsóknarstigi, voru ekki viðstaddir dómsuppkvaðninguna í gær. Eini sakborningurinn sem lét sjá sig var Sigmundur Geir Helgason, betur þekktur sem Simbi, sem mætti í fylgd föður síns. Þrjár hrottafengnar árásir Réttarhöldin í málinu voru gríðarlega mikil að vöxtum, tóku rúmlega þrjá daga, og viðbúnaðurinn í Héraðsdómi Reykjaness var fordæmalaus. Þrettán lögreglumenn stóðu vörð í þinghúsinu þegar mest lét. Ástæðan var sú að Annþór og Börkur höfðu orðið uppvísir að slæmri hegðun bæði í fangelsi og í dómshúsum mánuðina á undan. Málið sem allt snýst um var þríþætt; ákært var fyrir þrjár líkamsárásir, framdar frá því í október 2011 og fram í janúar 2012. Sakfellt var fyrir alla ákæruliðina í málinu. Fyrsta árásin var framin á sólbaðsstofu Annþórs í Hafnarfirði í október í fyrra. Kaj Anton A. Larsen og sakborningurinn sem fékk vægustu refsinguna í málinu öllu færðu þá tvo menn á sólbaðstofuna í því skyni að fá Annþór til að „ræða við" þá um skuld. Þar tók Annþór á móti þeim og beitti þá báða ofbeldi. Þessi ákæruliður var sá eini sem Annþór viðurkenndi að hluta, þótt hann segðist ekki hafa gengið jafnlangt og ákæruvaldið fullyrti. Ekki var tekið mark á þeim athugasemdum og mennirnir þrír allir sakfelldir. Önnur árásin var framin í Jötnaborgum í Grafarvogi um miðjan desember í fyrra. Þar réðust Annþór og Börkur inn á heimili í félagi við aðra, slógu tvo menn með bareflum og neyddu þann þriðja til að kasta af sér vatni yfir annan þeirra. Annþór og Börkur sögðu þennan ákærulið uppspuna en dómurinn tekur ekkert mark á þeim. „Framburður ákærðu Annþórs og Barkar er í öllum atriðum ótrúverðugur," segir þar um. Hópur manna veitti þeim liðsinni við árásina, en aðeins Jón Ólafur Róbertsson og áðurnefndur Sigmundur Geir voru ákærðir fyrir hlutdeild í brotinu. Þeir voru báðir sakfelldir. Ástæða árásarinnar mun hafa verið sú að einn þolendanna hafði látið það út úr sér að réttast væri að skjóta fæturna undan Annþóri og Berki. Þriðja og síðasta árásin var framin í blábyrjun þessa árs. Þar eru Annþór og Börkur dæmdir, ásamt sjö öðrum sakborningum, fyrir að hafa ruðst inn á heimili að Háholti í Mosfellsbæ og gengið í skrokk á mönnum sem þar voru inni. Einn þolendanna hlaut opið beinbrot á sköflungi. Annþór og Börkur neituðu alfarið að hafa haft sig nokkuð í frammi við árásina – þeir hefðu verið á staðnum í öðrum erindagjörðum. Á þetta fellst dómurinn ekki og telur „alveg ljóst" að nímenningarnir hafi tekið ákvörðun um árásina í sameiningu. Annþór og Börkur hafi farið fyrstir inn til að kanna hvort öðrum væri óhætt að ráðast til atlögu. Ljóst þykir að Annþór hafi litlu ofbeldi beitt sjálfur, hins vegar telur dómurinn ljóst að „tilviljun ein réð því hver gerði hvað". Börkur hafi tekið þátt í árásinni, en Annþór léð árásinni „aukið vægi með nærveru sinni". Virða ekki skilorð Annþór og Börkur eiga sér báðir langa afbrotasögu. Annþór hefur hlotið ellefu refsidóma frá árinu 1993, meðal annars þriggja ára dóm fyrir líkamsárás árið 2005 og fjögurra ára fangelsi fyrir fíkniefnasmygl árið 2009. Börkur hefur sjö sinnum verið dæmdur til refsingar frá árinu 1997, meðal annars fékk hann sjö og hálfs árs fangelsisdóm árið 2005 fyrir manndrápstilraun með öxi á veitingastaðnum A. Hansen í Hafnarfirði. Báðir hafa þeir ítrekað rofið skilorð. „Virðast varnaðaráhrif skilorðsdóma eða reynslulausnar engin áhrif hafa á ásetning [ákærðu] til afbrota," segir í dómnum. Þeir eru, eins og áður er lýst, dæmdir fyrir ítrekaðar hættulegar líkamsárásir, frelsissviptingar, nauðung, hótanir og fjárkúgun og eiga sér engar málsbætur að mati dómsins. Saksóknari fór fram á átta ára dóm yfir Annþóri og sjö ára dóm yfir Berki. Verjendur eru engu að síður óánægðir með niðurstöðuna og telja dómana allt of þunga. Þeir sögðu við fjölmiðla að lokinni dómsuppkvaðningunni í gær að niðurstöðunni yrði að öllum líkindum áfrýjað til Hæstaréttar. Mest lesið Árásarmaðurinn ölvaður Íslendingur Innlent Ráðist á rútubílstjóra og vegfarendur yfirbuguðu árásarmanninn Innlent Hættu leit eftir þrjá tíma að þeim sem féll útbyrðis úr Norrænu Erlent „Samfélagsleg ábyrgð þessa fyrirtækis virðist ekki vera nein“ Innlent Rektorar allra íslenskra háskóla lýsa yfir miklum áhyggjum Innlent Formaður og gjaldkeri Vorstjörnunnar kærð fyrir efnahagsbrot Innlent Krefst aðkomu Vinstri grænna að endurmótun varnarmálastefnu Innlent Ekki gagnlegt að stilla fyrirtækjum upp gegn starfsfólki Innlent Tugir missa vinnuna í sumar Innlent Mikil reiði á Þingeyri vegna flutnings fóðurstöðvar Arctic Fish Innlent Fleiri fréttir Hringsund um Ísland skapi verðmæta þekkingu Óákveðin hvort hún fari aftur fram fyrir Sósíalista: „Mér finnst þetta bara orðið bull“ Tugir missa vinnuna í sumar Segir ráðherra sjálfum í lófa lagið að breyta leikreglum svo ágóðinn rati vestur Segir gömlu samræmdu prófin ekki hafa mælt það sem þurfti Múmínlundurinn verður Ævintýraskógur á meðan leyst er úr höfundarrétti Störf á landsbyggðinni, skortur á sérfræðiþekkingu kennara og óperugala Sektaður fyrir að vera á 101 kílómetra hraða í 101 Rektorar allra íslenskra háskóla lýsa yfir miklum áhyggjum Ekki gagnlegt að stilla fyrirtækjum upp gegn starfsfólki Krefst aðkomu Vinstri grænna að endurmótun varnarmálastefnu Skýrslutökum írsku lögreglunnar lokið Veðurstofan nýtir ofurtölvu til að herma eftir hraunflæði „Samfélagsleg ábyrgð þessa fyrirtækis virðist ekki vera nein“ Óhress innviðaráðherra, öryggis- og varnarmál og ofurtölva Árásarmaðurinn ölvaður Íslendingur Ný kirkjuhandbók og kaldar kveðjur til ferðaþjónustunnar Ráðist á rútubílstjóra og vegfarendur yfirbuguðu árásarmanninn „Langflestir Grindvíkingar búa utan Grindavíkurbæjar“ Formaður og gjaldkeri Vorstjörnunnar kærð fyrir efnahagsbrot Mikil reiði á Þingeyri vegna flutnings fóðurstöðvar Arctic Fish Ráðherra vill tryggja betra eftirlit með Sjúkratryggingum Íslands Segir tölurnar sláandi og vill bregðast við „Ég vorkenni því fólki sem lét narra sig í þessa vegferð“ Sósíalistar deila um peninga og metþátttaka í ólöglegri baráttugöngu Kostnaður vegna kynja- og jafnréttismála sextán milljónir Svifvængjaflugslys við Reynisfjall Handtóku ökumann eftir eftirför á Sæbraut Vonar að Rauði krossinn endurskoði afstöðu sína Segir ásakanir kjaftæði og íhugar meiðyrðamál Sjá meira
Fjölskipaður Héraðsdómur Reykjaness kvað í gær upp dóm yfir tíu mönnum vegna hrottafenginna líkamsárása. Fangelsisrefsing þeirra nemur í heild 20 árum og þremur mánuðum. Þyngstu dómana hlutu Annþór Kristján Karlsson, sjö ár, og Börkur Birgisson, sex ár. Aðrir sakborningar fengu eins og hálfs til tveggja ára dóm, utan eins sem fékk fimmtán mánaða dóm sem bundinn er skilorði. Annþór og Börkur, sem hafa verið duglegir að sækja öll þinghöld í málinu frá því á rannsóknarstigi, voru ekki viðstaddir dómsuppkvaðninguna í gær. Eini sakborningurinn sem lét sjá sig var Sigmundur Geir Helgason, betur þekktur sem Simbi, sem mætti í fylgd föður síns. Þrjár hrottafengnar árásir Réttarhöldin í málinu voru gríðarlega mikil að vöxtum, tóku rúmlega þrjá daga, og viðbúnaðurinn í Héraðsdómi Reykjaness var fordæmalaus. Þrettán lögreglumenn stóðu vörð í þinghúsinu þegar mest lét. Ástæðan var sú að Annþór og Börkur höfðu orðið uppvísir að slæmri hegðun bæði í fangelsi og í dómshúsum mánuðina á undan. Málið sem allt snýst um var þríþætt; ákært var fyrir þrjár líkamsárásir, framdar frá því í október 2011 og fram í janúar 2012. Sakfellt var fyrir alla ákæruliðina í málinu. Fyrsta árásin var framin á sólbaðsstofu Annþórs í Hafnarfirði í október í fyrra. Kaj Anton A. Larsen og sakborningurinn sem fékk vægustu refsinguna í málinu öllu færðu þá tvo menn á sólbaðstofuna í því skyni að fá Annþór til að „ræða við" þá um skuld. Þar tók Annþór á móti þeim og beitti þá báða ofbeldi. Þessi ákæruliður var sá eini sem Annþór viðurkenndi að hluta, þótt hann segðist ekki hafa gengið jafnlangt og ákæruvaldið fullyrti. Ekki var tekið mark á þeim athugasemdum og mennirnir þrír allir sakfelldir. Önnur árásin var framin í Jötnaborgum í Grafarvogi um miðjan desember í fyrra. Þar réðust Annþór og Börkur inn á heimili í félagi við aðra, slógu tvo menn með bareflum og neyddu þann þriðja til að kasta af sér vatni yfir annan þeirra. Annþór og Börkur sögðu þennan ákærulið uppspuna en dómurinn tekur ekkert mark á þeim. „Framburður ákærðu Annþórs og Barkar er í öllum atriðum ótrúverðugur," segir þar um. Hópur manna veitti þeim liðsinni við árásina, en aðeins Jón Ólafur Róbertsson og áðurnefndur Sigmundur Geir voru ákærðir fyrir hlutdeild í brotinu. Þeir voru báðir sakfelldir. Ástæða árásarinnar mun hafa verið sú að einn þolendanna hafði látið það út úr sér að réttast væri að skjóta fæturna undan Annþóri og Berki. Þriðja og síðasta árásin var framin í blábyrjun þessa árs. Þar eru Annþór og Börkur dæmdir, ásamt sjö öðrum sakborningum, fyrir að hafa ruðst inn á heimili að Háholti í Mosfellsbæ og gengið í skrokk á mönnum sem þar voru inni. Einn þolendanna hlaut opið beinbrot á sköflungi. Annþór og Börkur neituðu alfarið að hafa haft sig nokkuð í frammi við árásina – þeir hefðu verið á staðnum í öðrum erindagjörðum. Á þetta fellst dómurinn ekki og telur „alveg ljóst" að nímenningarnir hafi tekið ákvörðun um árásina í sameiningu. Annþór og Börkur hafi farið fyrstir inn til að kanna hvort öðrum væri óhætt að ráðast til atlögu. Ljóst þykir að Annþór hafi litlu ofbeldi beitt sjálfur, hins vegar telur dómurinn ljóst að „tilviljun ein réð því hver gerði hvað". Börkur hafi tekið þátt í árásinni, en Annþór léð árásinni „aukið vægi með nærveru sinni". Virða ekki skilorð Annþór og Börkur eiga sér báðir langa afbrotasögu. Annþór hefur hlotið ellefu refsidóma frá árinu 1993, meðal annars þriggja ára dóm fyrir líkamsárás árið 2005 og fjögurra ára fangelsi fyrir fíkniefnasmygl árið 2009. Börkur hefur sjö sinnum verið dæmdur til refsingar frá árinu 1997, meðal annars fékk hann sjö og hálfs árs fangelsisdóm árið 2005 fyrir manndrápstilraun með öxi á veitingastaðnum A. Hansen í Hafnarfirði. Báðir hafa þeir ítrekað rofið skilorð. „Virðast varnaðaráhrif skilorðsdóma eða reynslulausnar engin áhrif hafa á ásetning [ákærðu] til afbrota," segir í dómnum. Þeir eru, eins og áður er lýst, dæmdir fyrir ítrekaðar hættulegar líkamsárásir, frelsissviptingar, nauðung, hótanir og fjárkúgun og eiga sér engar málsbætur að mati dómsins. Saksóknari fór fram á átta ára dóm yfir Annþóri og sjö ára dóm yfir Berki. Verjendur eru engu að síður óánægðir með niðurstöðuna og telja dómana allt of þunga. Þeir sögðu við fjölmiðla að lokinni dómsuppkvaðningunni í gær að niðurstöðunni yrði að öllum líkindum áfrýjað til Hæstaréttar.
Mest lesið Árásarmaðurinn ölvaður Íslendingur Innlent Ráðist á rútubílstjóra og vegfarendur yfirbuguðu árásarmanninn Innlent Hættu leit eftir þrjá tíma að þeim sem féll útbyrðis úr Norrænu Erlent „Samfélagsleg ábyrgð þessa fyrirtækis virðist ekki vera nein“ Innlent Rektorar allra íslenskra háskóla lýsa yfir miklum áhyggjum Innlent Formaður og gjaldkeri Vorstjörnunnar kærð fyrir efnahagsbrot Innlent Krefst aðkomu Vinstri grænna að endurmótun varnarmálastefnu Innlent Ekki gagnlegt að stilla fyrirtækjum upp gegn starfsfólki Innlent Tugir missa vinnuna í sumar Innlent Mikil reiði á Þingeyri vegna flutnings fóðurstöðvar Arctic Fish Innlent Fleiri fréttir Hringsund um Ísland skapi verðmæta þekkingu Óákveðin hvort hún fari aftur fram fyrir Sósíalista: „Mér finnst þetta bara orðið bull“ Tugir missa vinnuna í sumar Segir ráðherra sjálfum í lófa lagið að breyta leikreglum svo ágóðinn rati vestur Segir gömlu samræmdu prófin ekki hafa mælt það sem þurfti Múmínlundurinn verður Ævintýraskógur á meðan leyst er úr höfundarrétti Störf á landsbyggðinni, skortur á sérfræðiþekkingu kennara og óperugala Sektaður fyrir að vera á 101 kílómetra hraða í 101 Rektorar allra íslenskra háskóla lýsa yfir miklum áhyggjum Ekki gagnlegt að stilla fyrirtækjum upp gegn starfsfólki Krefst aðkomu Vinstri grænna að endurmótun varnarmálastefnu Skýrslutökum írsku lögreglunnar lokið Veðurstofan nýtir ofurtölvu til að herma eftir hraunflæði „Samfélagsleg ábyrgð þessa fyrirtækis virðist ekki vera nein“ Óhress innviðaráðherra, öryggis- og varnarmál og ofurtölva Árásarmaðurinn ölvaður Íslendingur Ný kirkjuhandbók og kaldar kveðjur til ferðaþjónustunnar Ráðist á rútubílstjóra og vegfarendur yfirbuguðu árásarmanninn „Langflestir Grindvíkingar búa utan Grindavíkurbæjar“ Formaður og gjaldkeri Vorstjörnunnar kærð fyrir efnahagsbrot Mikil reiði á Þingeyri vegna flutnings fóðurstöðvar Arctic Fish Ráðherra vill tryggja betra eftirlit með Sjúkratryggingum Íslands Segir tölurnar sláandi og vill bregðast við „Ég vorkenni því fólki sem lét narra sig í þessa vegferð“ Sósíalistar deila um peninga og metþátttaka í ólöglegri baráttugöngu Kostnaður vegna kynja- og jafnréttismála sextán milljónir Svifvængjaflugslys við Reynisfjall Handtóku ökumann eftir eftirför á Sæbraut Vonar að Rauði krossinn endurskoði afstöðu sína Segir ásakanir kjaftæði og íhugar meiðyrðamál Sjá meira