Rokk Quiz á Bar 11 í kvöld

Þeir Matti í Popplandi og Orri á X-inu ætla að bjóða gestum Bar 11 í kvöld upp á stórskemmtilegt Rokk Quiz klukkan 21:00

Er þetta fyrsta keppni vetrarins en um vikulegan viðburð mun vera að ræða. 

Þeir Matti og Orri segja að spurningarnar ættu að höfða til sem flestra, bæði þeirra sem hafa takmarkaðan áhuga á tónlist og einnig þeirra sem telja sig allt vita. 

Vinningarnir verða heldur ekki af verri endanum en sigurliðið færi í sinn hlut 13.000kr gjafabréf á Reykjavík Ink auk þess að meðlimir liðsins geta skipt á milli sín 20 bjórum.

Svo fá liðin í öðru sem og þriðja sæti bjórverðlaun.

Að sjálfsögðu voru þeir ekki í vandræðum með að koma með dæmi um spurningar og stóð Máni sig bara nokkuð vel í að koma með svörin, fékk 2 stig af þremur mögulegum. Þá er bara spurning hvort að lesendur séu með svörin á hreinu en hægt er að heyra þau með því að hlusta á meðfylgjandi hljóðbrot.

1. Hvað hét pönkhljómsveitin sem Jón Gnarr var meðlimur í?

2. Norska hljómsveitin A-Ha átti lag í James Bond mynd. Hvað hét lagið og hver lék James Bond í myndinni?

Eins og áður segir hefjast leikar um 21:00 og kostar ekkert að taka þátt